زمان قبل مجيء الاسلام كان تبرج النساء فى الجاهلية اللى هو العصر الجاهلى هو أن تُلْقي المرأة خِمارها على رأسها ولا تشدُّه فتنكشِف قلائدها وقُرْطها وعنقها..و معناه ايضا المشي بتكسر و تغنج.. ده كان التبرج عندهم و ربنا سبحانه و تعالى نهى نساء المسلمين عنه فقال ( و لا تبرجن تبرج الجاهلية الأولى) اما اللى بيحصل دلوقتي فى عصرنا ده من ان المراة ترتدى ثياب تكشف مفاتنها و كامل جسدها، ثياب مقطعه الواحده تتحرج تلبسها اصلا قدام ابوها او اخوها او ابنها اللى هما اصلا محارم ليها فما بالك بقا دول بيلبسوها قدام النااااس كده و بيبقوا مبسوطين و فرحانين بجسدهم العارى.. اللى بيحصل دلوقتي ده والله ما كان ابو لهب ليرضاه على نسائه 💔 انا عاوزه اعرف فين غيرة الراجل على اهل بيته؟ فين غيرة الاب على بنته؟ فين غيرة الاخ على اخته؟ فين غيرة الزوج على زوجته؟ مجتمعنا دلوقتى بقا مسلمين بلا اسلام، الاسم اننا مسلمين بس مفيش اسلام، واخدين الدين تشدد و التعرى حرية شخصية بجد ربنا يحفظنا و يعافينا 💔😢