وانت رايح أي امتحان افتكر تلات حاجات -الاولي انت درجتك محطوطه من زمان في علم الله عشان كدا اهدأ وجمّع افكارك وبلاش توتر.. رفعت الاقلام وجفت الصحف. -التانيه مجهودك ربنا شايفه ومطلع عليه ولكل مجتهد النصيب وربنا بيعاملنا برحمته مش استحقاقنا لأنها لو اتحسبت باستحقاقنا مش هناخد حاجه اصلًا. -التالته والاخيرة كلمة عدم التوفيق في الامتحان مش معناهاا غضب من ربنا عليك.. ربنا ممكن ما ييسرش ليك التوفيق في الامتحان دا وتضيع منك كام درجه لان الخير بتاعك في مكان تاني ربنا بيوفقك ليه بعدم التوفيق هنا. `الأهم` ان اعصابك وصحتك وتركيزك وهدوء اعصابك هم كلمة السر في طريق نجاحك. خالص الدعوات