‏حالة الاستياء الشعبي اللي حاصلة من مشاهد امتداد نفوذ العرجاني وتشبيهه بقوات الدعم السريع أو أي ميليشيا عسكرية بيتحامى بيها هفأ عسكري تحول لديكتاتور بانقلاب .. الانقلاب ده بيتحول لكابوس يفضل يطارده باقي عمره فيحتاج لطبقات حماية إضافية حتى من أقرب الناس ليه.سيناريو اتهرس في التاريخ قبل كده كتير وغالبا ما بينتهي بصراعات قوى وانقسامات بدرجات مختلفة ممكن توصل لحروب أهلية.اعتقد إن حالة الاستياء الشعبي دي بتحافظ على استمرار واحد زي العرجاني وانتشار نفوذه لأن السيسي أولا بيتلذذ بإذلال الشعب وإهانته .. وثانياً إنه زيه زي أي ديكتاتور بيتطمن لما بيلاقي رجالته أصحاب النفوذ والصلاحيات بدون شعبية ومكروهين .. ده بيخليه يحافظ عليهم فترات أطول.فأنا من موقعي هذا أناشد الشعب المصري إنهم يحبوا العرجاني ويزودوا شعبيته ونبدأ نعمل حملات مطالبة بترشيحه وننظم له جروبات محبي صقور العرجاني. وده هيخلي السيسي يبدأ يقلق منه ويطيح بيه .. أو إن الحرب الأهلية تقوم ونخلص كلنا.