أعظم تعويض ممكن ربنا يديه للإنسان هو القدرة علي إنه يبدأ من تاني ، ف متضيعش عمرك ف علاقات متوترة بتأذيك ، ف ارتباط مش مريح ، ف جواز فاشل ، ف شغل مُحبط ، ف خناقات متستاهلش ، ف جدال عقيم ، إعمل ستوب ، إجمع قوتك ، رتب افكارك ، إكتب أهدافك ، ركز ف أحلامك ، حدد إنت عايز إيه ، حاول تبدأ ، متشغلش نفسك بحد ، متخليش حد يأثر عليك ، محدش هيعيش حياتك غيرك ، متخفش من بكرا ، المكتوب إتكتب ، متقلش لو هعمل كذا هيضيع كذا ، صمم علي اللي مؤمن بيه..طب مش عارف ابدأ ، الظروف كلها ضدي ، مفيش حد معايا .. إبدأ يا ولدي باللي تقدر عليه ، إبدأ بالقليل ، غير حياتك بالتدريج ، المهم لازم تبدأ ، ولو مقدرتش توصل ، كفاية إنك مشيت في طريق بتحبه ، ومضيعتش عمرك في طريق بتكرهه ، نصيحة متكملش ف حاجة وانت مخنوق منها لأي سبب ، حاول تبدا التغيير ، أخرج من القفص !!