هيك قالت ستي ❤️ ١. خدي أبو كرش يطعميكي كل يوم أكلة .. ولاتاخدي أبو عضلات ينومك كل يوم بقتلة ..٢.اللي مابيعمل للدهر حساب .. بيكون أمير بيصير بواب ..٣.الرجال موجود والولد مولود بس الاخ اذا راح مابيعود ..٤. يلي بيقول النسوان بالعتمة كلها سوا .. يبعتلو داء مالو دوا ه. ألبسي يا كنة وتفتلي بديارها .. وطقي يا حماية اجت مين تكويكي بنارها ..٦.مالك كويس لتعجبني .. ولالك زنكيل لترغبني وشكلك متل القرد بتنط وبترعبني 😅٧.لبس البيضا أحمر وتفرج عليها .. ولبس السمرا أحمر وضحاك عليها ..٨.برا البيت بيقمز وبنط .. وقدام مرتو متل القط ..٩. نيالك ياجوز القصيرة قد ماكبرت بضل صغيرة ..١٠. اذابدك تقلع ضيفك ضروب أبنك وكنس بيتك ..١١. يا ام قمباز مرقع صرلك بيت ومربع .. كنتي تمشي حفيانة صار اسمك ست فلانة ..١٢.قليل الأصل مهما الزمن يعطيه.. لابيحس بشبع ولابيشكر اللي عاطيه ..١٣. شفقت عليك وقلت مسكين .. درت ضهري ضربني بالسكين ١٤.ناس بتاخدك لفوق وبتعللي .. وناس بتشوفها بتصيبك العلة .. وناس متل البزر رخيصة وبتسلي 🤣🤣الله يرحمك يا ستي ❤️
