الله ع الناس الجميلة اللي لسه بتقول شكراً وميرسي وتسلم... الله ع الناس المحترمة اللي لسه عندها ثقافة الاعتذار وبتعرف تقول أنا آسف وبعتذر وحقك علياالله ع الناس المَرِنَة البسيطة اللي صدرها متسع للإنصات و بتعرف لسه تسامح وتقول ولايهمك الله ع الناس ولاد الناس اللي لسانهم بينقّط شهد حتى في عتابهم بتبقى نفسك تاخدهم بالحضن من كُتر ما هما جُمال اوي وشفافين وقلبهم عظيم و روحهم مريحة بشكل يسعدك...الله ع الناس اللي العيبة ما بتطلعش منهم مهما اتعرّضوا لاساءات ...شايلين الجميل ورافعين راية اخلاقهم العالية ...سيماهم مش بس على وجوههم ...سيماهم على تصرفاتهم ومواقفهم و رقّة قلبهم وعلى تربيتهم الحلوة...الله ع الناس اللي بتراعي الكلمة قبل ما تقولها لتطلع تجرح او تدبح حد بدون قصد...لو فى حياتك شخص فيه صفه واحدة منهم اوعى تفرط فيه