من فترة لما العوضي اتسأل عن أصدق حب في حياته قال "ياسمين هي الحب الحقيقي في حياتي.. والوحيد كمان ومش هعيش تاني اللي أنا عيشته مع ياسمين"..والنهارده إسعاد يونس كانت بتسألها "الغريب في علاقتك انتي وأحمد العوضي إن الإحترام متبادل بشكل فظيع، لما تعب روحتيله، محصلش نفور بينكوا وكـ..راهية، حصل ايه؟ردت عليها وقالتلها "أنا مش بحب أحمد، أنا بعشقه.. لما حبيت أحمد العوضي أكتشتفت إن أنا مكنتش بحب قبل كده، اللي قبل كده مكنش حب.. أحمد كان أول حب في حياتي". وامتنعت تقول أي أسباب خالص.. بالعكس دافعت عنه لما الناس اتهمته وقتها بالخيا.نة وقالت إن ده محصلش وإن دي حاجه بتاعة ربنا.. وهو كمان مقالش عليها حرف! احترموا عِشرتهم وحُبهم لبعض وخصوصيتهم.. افتكرت د.ياسر الحزيمي في البودكاست الشهير لما قال: "ليه تخلي حد افترقت عنه يكرهك ويقول الحمدلله إني افتكيت منه؟!" وده حقيقي العلاقات لما بتخلص بتظهر الناس على حقيقتها، فيه حد لما تسيبه يخليك تحمد ربنا مليون مرة إنك بعدت عنه، وفيه ناس بتعمل بأصلها الطيب والآية الكريمة اللي بتقول "ولا تنسوا الفضل بينكم".❤️❤️❤️