احساس وشعور غريب توهان ومش سامع أى حد بيكلمك تحس انك غايب عن الوعىالناس كلها في وادي وانت في وادي تانىالناس بتفكر احنا هنركب ايه واحنا مروحين . هو في عزاء بالليل ولا ايه . هنتغدى ايه انهارده وانت من جواك بتسأل هو انا مش هشوفها تانى . هو انا المفروض اعمل ايه عشان اشبع منها وفي اللحظة دى مهما كنت بار بأمك او مطيع ليها صدقنى هتندم هتندم على كل لحظه عدت وانت مش جنبها على ايد كانت المفروض تتباس على كلمة حلوة كانت المفروض تتقال وماتقالتش على حضن كان المفروض يتحضن وماتحضنش . وبتدفن أمك وبتسيبها وتسيب معاها حته من عمودك الفقرى حتة بتتكسر ومابترجعش تتصلح تانى .مهما كبرت ومر عليك الزمن ومهما كان عندك ناس واهل وصحاب وبيت واولاد هيفضل اكبر ألم عندك هو الم فراقها هتفضل حاسس أنك ضعيف ومالكش حد تشكيلو همك ولا ليك ضهر تتسند عليه. اللهم اجعل قبر امى روضة من رياض الجنة اللهم انس وحدتها وانظر لها بعين لطفك وكرمك وكن عليها رحيما يارب العالمين .
فقدان شخص عزيز عليك بيطفيك ..هتكمل حياتك اه بس دائما هتحس أن فيه حاجة ناقصة ..فيه مكالمة تليفون ناقصة ..فيه فرحة ناقصة ..في صورة ناقصة ..فيه سند ناقص ..فيه طبطبة ناقصة ..فيه عتاب ناقص ..حتى الزعل بيكون ناقص ..وهتلاقي نفسك بتفتكره في أوقات غريبة.. وتكتشف انك اصلا منستهوشوهتلاقيك بتحاول تمسك دموعك لو جات سيرته او شفت صورتهوهتفهم المعنى الحرفي لقلبك موجوعومهما عدت السنين.. عمر ما حد هيقدر يحل محل الشخص ده او يملأ الفراغ اللي سابهربنا يصبر قلب كل فاقد ويرحم ويغفر لكل مفقود ..♥️
