من بداية المشاهدات كده على نهضة بركان انت قدامك خصم بيعتمد بشكل مباشر انه يرمي اكبر قدر ممكن من اللاعيبة داخل المنطقة ويلعب عرضيات ودي افكار معين الشعباني بشكل عام مع كل الفرق اللي اشتغل فيها مش بيفكر في الاستحواذ بقدر انه ينقل كل حاجه لوسط ملعبك ... مش هتلاقي فريق بيبني الكرة من تحت خالص .. هتلاقي فريق بيعتمد على فكرة واحدة انه يحط الطويل ويستلم المهاجم ويرحل التمريرات لاطراف الملعب ويدخل لمنطقة الجزاء 4 لاعيبة على الاقل في الكرة اللي جيبتها كده هتلاقي النمط ده دايم في كل الكرات اللي بيشتغلوا عليها .. لاعب يطلع على القريبة ولاعب في النص ولاعب على البعيدة ويدخل وراه الظهير جاي مندفع من غير رقابة ويحاصرك عند منطقة الجزاء 2 لاعيبة ياخدوا الكرات المباشرة مواجهة خصم زي كده لازم تعتمد على التكتل ونخلي بالنا من الظهير العكسي دايما في اي هجمة لان المساحة اللي دايما بتكون وراه هي نقطة ضعف للزمالك لان مفيش جناحات عندنا بترجع تدافع بقدر كويس خالص