اصدق الله يصدقك ..!أزمتنا الحقيقية أزمة صدق ..إن في واحد بيقول عايز أتوب وهو مش صادق ..قلبه فعلاً متشرب حب المعصية ..زي ما ربنا قال على بني إسرائيل كدة "وَأُشْرِبُوا فِي قُلُوبِهِمُ الْعِجْلَ بِكُفْرِهِمْ" في واحد أُشرب في قلبه حب السجاير ..واحد أُشرب في قلبه حب المخدرات ..واحد أُشرب في قلبه حب البنات والعلاقات المحرمة ..واحد أُشرب في قلبه حب المواقع الفاسدة ، المواقع الإباحية ..فلما بيقول أتوب بيقول بلسانه ، مابيبقاش صادق في الكلام ده ..اصدق الله في التوبة وتوب ..اصدق الله يصدقك ..أشهر قاتل في العالم ، النبي ﷺ حكى قصته اللي قتل مائة نفس ..لما صدق مع ربنا ايه اللي حصل ؟! تاب وربنا قبل توبته وأكرمه ونجاه ..!اصدق الله ..؛اللي عايز يحفظ القرآن .. اصدق الله في حفظ القرآن هاتحفظاللي عايز يقيم الليل يبقى من أهل القيام .. اصدق الله يصدقكاحنا أزمتنا في الصدق والله ..!!أفراد وجماعات ومجتمع ودولة ، مشكلتنا في الصدق بمختلف معانيه ..فده مفتاح هداية ومفتاح ثبات على الدين ..اصدق الله يصدقك ..- د.بهاء سكران #تفريغات_رسايل #رسايل ..