بوست مهم لكل السكريين النوع الاولهل مريض السكر النوع الأول ينفع ياخد انسولين مخلوط؟خليني الأول أوضح شويه حقائق بصورة ملخصة١. الطب مبنى على الأبحاث والتجارب العلمية اللي بتتعمل على عينة عشوائيه من المرضى وبالتالي نقدر نعمم نتايحها على كل المرضي بس طبعا ممكن يكون في استثناءات٢. السكر ليه أنواع اشهرهم النوع الأول والنوع الثانيالنوع الأول بيكون تقريبا البنكرياس مش بيفرز انسولين والنوع التاني اما البنكرياس يفرز كمية قليله او مقاومه الجسم للانسولين٣.مين فيهم أخطر النوع الأول ولا التاني مفيش إجابة محدده بس انا بعتبر النوع الأول أخطر لسبب السن عشان بيجي في سن صغير وكده الشخص هيعيش فتره أطول بيه وبكده لازم يكون سكره مظبوط باستمرار لتفادي المشاكل مفرحش بنص تظبيط لازم أرقام كويسه باستمرار٤. ازاي الانسولين بيتفرز من الجسم طبيعي الجسم بيطلع باستمرار انسولين طول الوقت حتى والشخص مش بياكل عشان يدخل الجلوكوز جوخ الخليه عشان تقوم بشغلها ولما الشخص ياكل يطلع انسولين بكمية مماثله لكميه السعرات الحرارية اللي فالاكلوبالتالي لما اعالج مريض سكر معندوش إفراز انسولين لازم اديله انسولين مماثل لافراز الجسم الطبيعي٥. ايه هي انوع الانسولين المختلفة بدون أسماء تجاريه وباختصار انسولين مائي وده زي اللي بنكرياس بيفرزه استجابة للأكلانسولين قاعدي في منه نوعين نوع بيغطي ١٢ ساعه ونوع بيغطي ٢٤ ساعهانسولين مخلوط وده خليط بين المائي والقاعدي اللي بيشتغل ١٢ ساعه بنسبة ثابته ومحددة٦. ليه مينفعش ادي لمريض نوع اول انسولين مخلوط عشان ده خليط بنسبه ثابته بين نوعين انسولين واحنا اتفقنا ان بنكرياس بيطلع بكميات حسب الاكل فده مش ببسمح بحرية الاكل سوا كميات او مواعيد مشكله رئيسية بنشوفها في النوع الأول اللي بياخدوه هو ارتفاع وهبوط السكر خلال اليوم ٧. ده مش كلامي ولا خبراتي شخصية ده كلام كل المؤسسات العلميه المهمه بالسكر هضيف حاجة من حالات اللي بشوفها يوميا تقريبا مشفتش مريض سكر نوع اول بياخد ملخوط وسكره متظبط طول الوقت٨. قبل ما تهاجم حد بيديك نصيحة لازم تعرف الأول اللي بيقوله ده صح ولا غلط قبل ما تهاجمه بس ملحوظة مش معنى أن الواحد ماشي ع خطأ فتره معناه ان ده كويس وصح الطب كل يوم بيتغير٩. اخيرا لو انت فعلا ماشي علي انسولين مخلوط وسكره متظبط طول الوقت في ٧ قياسات الرئيسيه اتفضل كمل عليه بس أشك أن في كده١٠. فعلا بتمنى كل مريض سكر يفهم طبيعة السكر بشكل صحيح عشان ده جزء من العلاجدمتم بصحه وعافيه مع أستاذ سكر 🌹🌹🌹🌹