.ما تِزعلي ..وقت تقعدي مع بنات ويبلشوا يغنوا أغنية وتكوني إنتِ لا حافظة الأغنية ولا عارفة أساساً مين يلي بغني ! ما تزعلي .. لما يكونوا بنات جيلك عايشين عأطلال المسلسلات وبيحلموا ببطل المسلسل وانتِ عايشة عأطلال كيف توفري من مصروفك لتشتري شي كتاب ! ما تزعلي .. بس توصلي المرحلة الجامعية ووجهك بنفس الخلقة يلي ربنا خلقك عليها وفي براءة بوجهك بزمن بيتفننوا برسم الحواجب وتغيير الملامح!!! ما تزعلي .. وقت حدا يحكيلك عن حشمتك ولبسك وإنتِ بزمن بيتنافسوا مين تعرض مفاتن جسمها أكتر! ما تزعلي .. وقت تكوني صبية وبعدك بتضحكي متل الاطفال وجواتك تفكير لسه طفولي مهما كبرتي وبعدك ما تلوثتِ بتفكير يلي حواليكِ ! ما تزعلي.. بس تسمعي انتقاد إنكِ نكدة او مغرورة أو "معقّدة" وبتعرفي وين حدود غيرك بتبدا وين بتنتهي ! ما تزعلي .. إنتِ بالذات ما لازم تزعلي أبداً ! لأنو لو في ملكة لهالزمن فـ بتكوني إنتِ :") ! وبيوم من الايام رح توقفي بين إيدين ربنا وتعرفي قديش كنتِ بنعمة كبيرة وقت كنتِ "ما تعرفي". #حِلو_تكوني_متميزةّ_بالصح م.من أرشيفي