عراقي عنده مطي. صحى الصبح لگة المطي ميت..!!.أخذه عالدكتور البيطرى.. حتى يعرف سبب الوفاة..!!.تفاجأ من قول الدكتور.. أنو المطي مات بالجلطة..!!.دار وجهه عالمطي.. ولزم اذاناته.. وگام يحاچيه.. بتعجب..!!. وحرگة .. واستغراب..!!.جتك جلطه ليش..!!.؟.خريج هندسة وملاگي شغل..!!؟.خريج ادارة واقتصاد.. وواگف بسوگ المخضر..!!؟.خريج آداب..ودتسوق تاكسى..!!؟.خريج قانون.. وتشتغل دلال..!!؟.خريج زراعة.. وبالواسطة معينيك بالطرق والجسور..!!؟.جمعت كل اللي تملكه..ونطيته لإبنك..علمود يسافر أوروبا.. وغرگ على شواطئ اليونان..!!؟.مديون.. وماعندك تسدد ديونك..!!؟.تنتظر التعيين.. لو. صار لك. 10 سنين والزمالة اللي عاجبتكك ..وتريدك تتزوجها..وماگادر تخطبها..!!؟.رحت ترقم الكيا.. ولگيت عليها مخالفات وانت ماخذها من الشركة..!!؟. مگادر تشتري ملابس لجهالك..!!؟.ملاگي بيت..!!؟.