السلام عليكم هنتكلم في البوست ده عن التشنجات الحراريه للاطفال .....الموضوع ده شائع جدا وبيحصل ما بين عمر ست شهور الى خمس سنواتطيب ايه هي التشنجات الحراريه؟ هي عباره عن تشنجات بتحصل نتيجه ارتفاع سريع في درجه حرارة الطفل الحراره بتكون اكثر من 39 درجه مئويه وبتحصل نتيجه عدوى خارج الجهاز العصبي زي التهاب اللوزتين والتهاب مجرى البول والتهاب الاذن الوسطىالتشنجات دي غالبا بتكون عباره عن تخشيبه في جسم الطفل وممكن اطرافه تكون بتتهز ومستوى الوعي بيكون متدهور والعيون بتغرب لفوق وغالبا النوبه دي بتستمر لمده ربع ساعه وبعدها الطفل بياخد وقت قليل او دقائق لحد ما يفوق ويسترد وعيه.طيب ايه الحل؟كل المطلوب من حضرتك في البيت انك تعملي كمادات في اسرع وقت ممكن نحط الطفل تحت الدش بميه فاترة وندي خوافض الحرارة زي بروفين شراب وبعدها على طول نتوجه لاستقبال اقرب مستشفى علشان الطبيب يشوف سبب التشنجات دي ويكتب العلاج المناسب
