أي حد بيسعى لتخريب حياة شخص آخر فهو من المفسدين في الأرض ، حتي لو صلى الخمس فروض وصام..؟أي حد بيوسوس لحد عشان يخرب ما بينه وما بين شخص بيحبه ، أو حلم بيحلمه ، فهو شيطان ولو كان بيستعيذ منه كل لحظة..؟أي حد بيدفع حد لخناقة ، أو مشكلة ، أو يقوله روح خد حقك بالظلم والجور ، فهو من الظالمين دنيا وآخرة..؟أي حد بيمشي يتفاخر بإنه بيعرف يوجع بالكلام ، أو يهين باللفظ والفعل ، أو بيخلي اللي قدامه يعيط ، ده شخص عديم الإنسانية والرحمة والتربيه..؟قبل ما تفكر تأذي أو تساعد في الأذى ، فكر كويس في إن كل ده بيترد بالمللي ، وكونه يترد في الدنيا فده أحسن سيناريو ممكن ، لأنه في الآخرة لا بيبقى فيه مسامحة ولا غفران .. كلنا هنقف علي جسر بين الجنه والنار الجسر ده اسمه " القنطره " يقال أنه كالصراط والميزان ، ف كلنا هنقف علي الجسر ده يوم القيامة وكله هيتحاسب وهيسدد الفاتوره اللي عليه بالكامل ، ويقتص المظلوم من الظالم..
لا توجد تعليقات حتى الآن!
كن أول من يعلق على هذا المنشور