نسخ الرابط
عرفان السيد
سلام علي ارض خلقت للسلام وما رأت يوما سلاما 🇵🇸 فلـ𝓹𝓪𝓵𝓮𝓼𝓽𝓲𝓷𝓮ـطين 🇵🇸
انك تبقي شخص إيجابي ، مش معناها انك تبقي مغّيب عن حقيقة الوضع. الايجابية هي انك لما تبقي في محنه أو ضيقه ، تبقي عارف و فاهم انك مش في احلي مكان، بس عارف انك ممكن تشتغل علي نفسك و انك ممكن تطلب مساعده و انك هتعدي المحنه ديه و توصّل نفسك لمكان احسن مع الوقت. الايجابية لازم يجي معاها مجهود كبير و صبر و تعب. خليك إيجابي. #غزة_تنتصر #باز_يجمعنا #عرفان_السيد
محدش عمره ما هيعرف انت مريت ب ايه في حياتك و وصلت للي انت واصله ده ازاي.*سواء انت واصل لحاجه كويسه او مش كويسه (مع ان مفيش حاجه مش كويسه لان كل حاجه بتوصلك للاحسن)، بس كل واحد جواه شخص بيحكم علي الي حواليه مجرد انه شايف قدامه معلومات قليلة جداً. مَتِزعلش ان الناس بتحكم عليك، دي حاجة طبيعية انها تحصل. بس شطارتك انت انك تحاول متحكمش علي حد غير لما تتعامل معاه و تعاشره تتحط معاه في مواقف تبين إذا كان كويس وسند ولا أي كلام. #غزة_تنتصر #باز_يجمعنا #عرفان_السيد
*فكر نفسك ان:- الصبر من احلي الحاجات الي ممكن تعود نفسك و مخك عليها. - ممكن تعمل حاجه كويسه لحد منغير ما تستني منه حاجه في المقابل- لما ربنا يبعتلك حاجه حلوه و تكون مبسوط، ابسط حد تاني معاك- لو حصلك حاجه وحشه، ابسط حد تاني برده لانك هتنبسط ان ربنا خلي حد مبسوط بسببك - كلنا في مركب واحدة و ربنا عادل، محدش بياخد اكتر ولا اقل من نصيبه #غزة_تنتصر #باز_يجمعنا #عرفان_السيد
بتعلم حاجات كتير عن نفسي الفترة الي فاتت و كان من اكتر الحاجات الي مسيطرة عليا هي الاحساس بالندم. و بينزل تحت البند ده حاجات كتير اوي… اوي!و لكن الدرس المستفاد هنا هو:ما تندمش علي حاجات حصلت و خلصت و مش هينفع تغير فيها حاجة. ممكن تتعلم من الي حصل، و ممكن تفهم نفسك ان في حاجات كتير موجودة في حياتك بتاخدها ك مسلمات او حاجة عمرها ما هتروح منك و بتحس بيها فقط لما تفقدها. انا مش بتكلم عن فقدان البشر بس.. انا بتكلم عن النعم اللي ربنا مديهالنا الي مهما عديناهم عمرهم ما هيخلصوا. عشان تحس بيهم اكتر اصحي كل يوم فكر في ٥ مختلفين منهم بس…و احمد ربنا علي وجودهم. و كمان اوصيكم انكم تقولوا للناس الي بتحبوهم قد ايه هم مهمين بالنسبالكم و قد ايه انتوا بتقدروهم. متتكسفش.. قول لاهلك انك بتحبهم.. قول لاخوك و اختك و اصحابك انك بتحبهم.. قولها كتير و قولها و انت حاسسها. #باز_يجمعنا #غزة_تنتصر #عرفان_السيد
*القرارات ليها نوعين**نوع أ*: القرار الي صعب الرجوع منه: خد وقتك قبل ما تاخد قرارك *نوع ب*: القرار الي ممكن بعد ما تاخده و تلاقي انه مكانش صح، ممكن ترجع فيه و تغيرهمعظمنا بيتلخبط ما بين النوعين و بيفتكر ان كل القرارات هي نوع أ. مع إن ٩٠٪ من القرارات هي من نوع بو الاوحش اننا بنخاف ناخد قرارات عشان خايفين علي شكلنا قدام الناس لو طلعنا غلط و رجعنا فيه*خد قرارات كتيرة و سريعه و صلح منهم منغير ما تقلق علي شكلك. عمرك ما هتتعلم لو خايف من انك تاخد قرارات.* #باز_يجمعنا #البازيين_الاصليين #عرفان_السيد
نسخ الرابط