خمسه_تجاره#
هقولك ٣ قواعد أصيلة في البيزنس لو قررت تتخلى عنهم لا تلومن إلا نفسك١-اوعى تبص تحت رجلك، متحسبهاش ع المدى القصير بس، بص دايمًا ع المدى البعيد، متبقاش ساذج في حساباتك، وانت بتكسب حاجات ممكن قصادها تخسر حاجات تانية خسارتها أكبر من اللي كسبته، ممكن تكسب كتير ع المدى القصير بس مكسبك ده هيخسرك أكتر ع المدى البعيد.٢-اوعى تبص لعميلك في رزقه، انت بعت له بعشرة وكسبت منه ٢ وهو خد منك بـ ١٠ باع ٢٠ اوعى عينك تتمد على مكسبه، ولا قلبك يتحرق عشان كسب أكتر منك، مكسبك الحقيقي في استدامة علاقته بيك وإنك تفضل دايمًا مصدر مكسب ليه حتى لو هيكسب أكتر منك ١٠٠ مرة.٣-ثباتك في السوق قوته بتزيد كل ما زاد عدد المستفيدين منك، فركز تعمل زحمة مستفيدين حواليك، مستفيدين شبعانين عينهم مليانة متخليهمش يبصوا بره ويدوروا وراك.أهم واحدة من وجهة نظرك رقم كام؟ #خمسه_تجاره
خدمة العمر لمشروعك وتجارتك وحل كل المشاكل = تشتري صح يعني تشتري ايه وتشتريه بكام وتشتري امتى لو عرفت تشتري منتج مطلوب في السوق واشتريته في توقيت صح وعرفت تشتريه بسعر يخليك تبيع رخيص وتكسب كويس يبقى كل مشاكلك اتحلت ركز جدا جدا في سياسة الشراء هتفرق معاك كتيرمش هيفرق معاك ان السوق نايم ومش هيفرق معاك سياسات المنافسين ومش هيفرق معاك مصروفات المشروعليه ؟علشان انت لما اشتريت صح اديت لنفسك مساحة مناورة كبيرةهامش ربح يسمح لك بالمناورة والمنافسة والانفاق هتعمل خصومات وعروض وبرضه مكسبك محترم سياسة الشراء هي كلمة السر بفضل الله #خمسه_تجاره
نسخ الرابط
لو بتعمل مشاريع للشو عشان تلم ع حسها فلوس من الناس.وبتسيب محلات خسرانة أو بتلم نفسها بالعافية عشان شكلك قدام الناس ميتهزش وميسحبوش فلوسهم منك.اعرف ان ده طريق النهاية.لو اتغريت ف بدايات نجاحك وبدأت تصرف ع الشو ببذخ وميفرقش معاك مصاريفك ومظبطش تكاليفك.اعرف انك هتلبس اسود.اسماء كبيرة متعثرة دلوقتى ف السوق وعليها مديونيات بمئات الملايين مش عارفه تسدها بسبب التوسع الغير مدروس.وف الاخر الاشاعات هتطلع تقولك الدولة بتحارب الناجح وهما عليهم مئات الملايين مش عارفين يسدوها.ومغرقين مئات الموردين والموظفين معاهم بسبب عدم الدراسة.وحتي لو انت ناجح ودارس وفاهم، الشو الزائد عن الحد بيطمع فيك الناس وبتبقي وسيلة سهله للافتراس.اكبر وتوسع بعقل وداري نفسك ع قدر المستطاع ومتعملش شو ملوكي.وده ملوش دعوه بتسويق المنتج نفسه بالمناسبة.الكلام هنا عن المبالغة ف تسويق صاحب المصلحة وإلقاء الضوء ع ثروته وعبقريته وبذخ العيش الى هوه فيه من بعد الشظف، عشان يجذب مغفلين جدد لشبكته. #خمسه_تجاره
نسخ الرابط