دروس_من_الحياة

#من_أجمل_ما_قرأت ***** دعاء عجيب *****يقول أحد الرجال : زمان، كنت لسة في الكلية، في إعدادي تحديدا، صحيت لصلاة الفجر وكنت كسلان جدا، قررت ماصليش في المسجد اللي متعود أصلي فيه دايما علشان بيطول، خدتها من قصيرها وروحت المسجد السريع القريب من بيتيبعد الصلاة في شيخ من بتوع الأوقاف مش ملتحي بس لابس لبس الأزهر، شاب مش كبير في السن، توجه للميكروفون وهيلقي كلمة خفيفة، ومع إني كنت جعان نوم ماعرفش إيه اللي خلاني أنتظر واسمع الشاب الأزهري ده، ممكن يكون علشان عدد المصلين وقتها كان قليل جدا، غير اللي مشيوا بسرعة بعد الصلاة، بصراحة الشاب صعب عليا قلت اقعد واسمع وأحسسه إن في حد مهتمبدأ الكلمة، وكانت عن الدعاء وفضله، بعد ما خلص المقدمة المعتادة، بدأ يحكي قصته الشخصية مع دعاء معين، كان بيحكي وهو متأثر جدا، وعيونه بتلمع من الدموع، وقال الآتي باختصار:"والله يا إخوان سأروي لكم أول موقفٍ حصل معي بعدما تعلمت هذا الدعاء؛ كنت مازلت طالبا وقتها، وجاء يوم اختبار حفظ القرآن، لم يكن حفظي جيدا، وكنت مشوشاً، ركبت سيارة الأجرة وأنا ممسك بمصحفي أراجع وتظهر علي علامات الاضطراب، وبعدما أسقط في يدي قررت أن أغلق المصحف وأدعو بهذا الدعاء موضوع كلمتي لكم اليوم، رحت أدعو وألح في الطلب أن يفرج الله عني، وأن يقضي لي حاجتي، فوجئت بشيخٍ كبيرٍ بجواري يقطع علي ما كنت فيه ويقول: - مالك يا ابني؟! = أبدا يا حاج، عندي امتحان قرآن وحاسس إني نسيت كل حاجة وخايف جدا- طب افتح يا ابني مصحفك وراجع سورة كذا، راجعها كويس، ربنا يوفقك= ماشي يا حاج، بس اشمعنى يعني السورة دي؟!!- يا ابني راجعها بس، هو انت هتخسر حاجة؟!= حاضر، ربنا يكرمكوالله يا إخوان ويشهد الله، أنني وفور توجهي لأتقدم للاختبار كان أول سؤال طرح علي: اقرأ من قول الله تعالى ... نفس السورة التي نصحني أن أراجعها ذاك الشيخ". انتهى كلامهالراجل كان بيحكي الموقف ده وهو بيبكي بكاء شديد، وفضل يعدد مواقف تانية بخصوص الدعاء ده والموقف اللي رويته عنه هو أكتر موقف اتعلق بذهنيأنا بدوري أقسم لكم بالله وأحمده على فضله وأشهده إن الدعاء ده كان سبب لحاجات حصلت في حياتي عجيبة جدا؛ رزق وتفريج كرب، ومنها مواقف عادية خالص، بس كنت بستمتع فيها بلحظة الإجابة متعة لا توصف، وكأن تلك المتعة صارت إدمانا، مواقف كتيرة لا يتسع المقام لذكرها، مواقف كنت بشوف فيها قول الله عز وجل: "وقال ربكم ادعوني أستجب لكم" كأنها رأي عينالدعاء: "اللهمَّ إنِّي أسألكَ بعزِّكَ الذي لا يُرام، وبمُلككَ الذي لا يُضام، وبنوركَ الذي ملأ أركانَ عرشكَ أن .. " وتسمِّي حاجتكعزك الذي لا يرام: ممتنعٌ أن يصل إليه أحدٌ بضرٍّ ولا بسلبملكك الذي لا يضام: ملكٌ لا يزول...... #دروس_من_الحياة #الغازي_أرطغرل