Eslam Salah

كنت هبعت مسج طويلة لحد عزيز عليا عشان نتعاتب على حاجه مضايقاني وبعدين تراجعت ....فجأة بقيت حاسس ان الصديق الحقيقي هيبقى فعلا حريص على بقاء العلاقة مهما كانت الظروف! بقالي كتير عمال بضيق دايرة علاقاتي لحد ما بقت لا تتسع غير لتلاته أو أربعة فقط..وعلى الرغم من إن ده منافي تماما لطبيعتي اللي بتحب اللمة والإجتماعيات إلا إني أثرت السلامة وقررت موجعش قلبي تاني على ناس مش مقدرة قيمة وجودي في حياتهم ..

مبقاش عندي القدرة اني استحمل حد يزعلني ،ف هتلاقني بمشي من غير مااعاتبك.

انا شخص هوائي جدا مزاجي بيتغير في ثواني ودي واحده من اسوء الصفات اللي فيا واللي حرفيا مش عارف اغيرها.. هتلاقيني دايما باخد كل حاجه علي اعصابي، بركز في تفاصيل الكلام وابدأ احلله واشوفه من كذا اتجاه وممكن حد يرمي كلمه وسط قاعده ويبقي فاكر انها حاجه عاديه وكل اللي قاعدين يفتكروا اني عديتها لكن الحقيقه اني مبعديش حاجه والكلمه تفضل ترن في ودني وللأسف التفكير الزياده ده بيأذيني جدا وبياثر علي نفسيتي بشكل كبير...