قادرين نعيش ونحِب كم مرَّة؟!ما بنسى إطلاقًا البكا الكان بالسَّاعات، لما الوَد الكان واعِد صحبتي بالزّواج خلَّاها في مهب الرِّيح وفَات!أيام وشُهور تمر على الواحدة وتقرر إنو قلبها ده عندو وظيفة واحدة ووحيدة= يضخ الدم ويقعد من سُكَاتثُم؟يجي واحد يخطف قلبك تاني، وتنسي كل الفات وتَدّي قلبك فُرصَة، وتقرّري تفرحي!لحظات الانكسار، والبكا، والحزن الممكن نعيشو شهوربتخلّيك تقول مستحيل الزول ده يرجع يحب من تاني ويفتح باب قلبو لي زول!لا يزول اندِهاشي من البدايات الجديدة بعدَ خُذلانٍ طوِيل ومتكرّر!نفس اللي كانت بتبكي وتندب حظ قلبها من الحب، هي اليوم أحلى عروس -تبارك الرحمن-لي زول مبسوطة معاهو وبيهو شديدوكأنه في يوم ما انكسر ليها خاطر ولا حزن ليها قلب!اعتقد اكبر سبب يخلّينا نتجاوز الأزمات، هو يقيننا بالله،وإنو:"فَانظُر إِلى آثارِ رَحمَتِ اللَّهِ كَيفَ يُحيِي الأَرضَ بَعدَ مَوتِها إِنَّ ذلِكَ لَمُحيِي المَوتى وَهُوَ عَلى كُلِّ شَيءٍ قَديرٌ"فانظُر إلى آثار رحمةِ اللهفي كل حاجةفي إنو دايمًا قادر يوهِبنا شعور البدايات الجديدة، ما بس في العلاقاتبَل زي ما قال باشمهندس أيمن عبدالرحيم -فَكَّ اللهُ بالعزّ أسرهُ-المسلم هو الشخص الوحيد اللي يقدر يعمل "shift_delete" للماضي بتاعو بي "توبة"!طول ما فينا نفَسنحنا قادرين نبدا من جديدفي كل شي في الحياة ديفي علاقتنا بأنفُسنا ابتداءًوفي علاقتنا بي ربَّنااللي دايمًا كريم في عطاياه ونحنا مقصّرينحتى بعدها في علاقتنا بالنَّاس، باختلاف مسمَّى العلاقة ديوأخيرًا:عشان نتفادى كسر الخواطر، نمشي دُغري، ونعفِي قلبنا ده شُويَّة ونريّحو من رهق العلاقات ونكتَفِي بي سؤال ربنا، إنو يرزقنا الحب الحلال، ويجبر ما مضى من كسورونتذكَّر:"إنَّ للهِ أرزاقًا من بَشَركأنَّْهُمُ الأنبياء مثُوبَةً لِلصَّابِرات"♥️٢١ يناير🙏🏾
نسخ الرابط