هذا مش تبرير للعنف أما في مجتمع خلق حاجة اسمها الكذبة البيضة و تسمع فيه الجملة الشهيرة " تكبر و تنسى" ما يعلمناش من و احنا صغار نربطو بين الفعل و ردة الفعل ! و ننساو إلي أفعالنا بصغرها و قلة ضررها في نظرنا كيف يتلمو مع بعضهم ينجمو يولّدو برشا عنف في شكل ردة فعل تخلّينا باهتين في كبرها و نطيشو هكا الكلمة "تي شنوا عمتلك أنا !! " و ننساو إلي شوية من عندك و شوية من عندهم يجيبو "برشا" في ردة فعل.
تبدّل,ابعد,اختفي,تصرّف على طبيعتك و ورّي للعالم انفعالاتك إلي مخبيها اللي يستحمل هبلتك كمِّل معاه البس اللي يعجبك و كول اللي يعجبك ومتحاولش تغيّر طبيعتك على خاطر حد,متحاولش تدخل معهد التمثيل على خاطر حد خاطر حتى كان تبدلت باقي مش باش تعجبهم,اهرب مالناس السلبية الليعندهم مشاكل لكل حل,إلي تبدا كلامها ب " أي أما..."إلي تعرف كان تنقد،إلي ما يحملوش يشوفوك فرحان الناس اللى ديما خايف لا يفهموك بالغالط,الناس اللى تستحق مجهود كبير باش توصلها فكرتك... إبعد https://www.facebook.com/106384581401424/posts/1
معايا عندك حلّين يا تتعلّم تطير معايا يا تطير من ثنيتي، الدنيا قصيرة باش نخلّيو فيها برشا ناس يجبدونا اللّوطة في ثنية نجاحنا. تعلم طير باش ما توحلش في وسخهم، تعلّم طير باش ما تتخنقش في ظلمهم، تعلّم طير باش ما تتمردش في جهلهم، تعلّم طير باش ما تموتش في فقرهم، تعلّم طير بش ما تتحرقش بغزرتهم على خاطرك مش كيفهم،طير معايا،باش يحاولو يردوك كيفهم، باش يحاولو يدخلوك في سيستامهم، باش يحاولو يقزموك و ينقصوا من قيمتك، على خاطر في هالبلاد قريب يقولو "استغفر الله" بعد كلمة "ناجح"
نسخ الرابط