فراس الطائي

#أصل_العظامه ⭕سالفـــــة : (ملّه حنش وعرب بيت دبش)يكولون سنة 1902 جان اكو شيخ عشيره وعشيرته اكثرهم عظّامة ولا فهم ولا علم ويفشلون امام بقية العشائر فكان هذا الشيخ بديوانه يسولفلهم على امجاد العشائر وشيوخ العشائر بلكي يصير براسهم حظ ولكن هذا الشيخ خطية اموره المادية تعبانه فعنده ابن عمه اسمه مله حنش گام ينافسه على الشيخه ..وهذا حنش حالته المادية زينة ولوتي وعنده حلال هواااي ..فگام يذبحلهم طليان ويسويلهم مفطح وانوب وزع الهم صناديك سيسم ..الجماعة كيفّوا على هاي الشغلة ثريد وهدايا .. فهذا الشيخ خطية بيوم من الايام گاعد بالمضيف مالته شاف ماكو بس الگهوجي ساله :- العرب شو ماكو فكله الكهوجي كل عربك صفت يم ابن عمك مله حنش هو هل الايام يريد يصير شيخ وجاي يذبح ويطبخ ويوزع فلوس وصناديك سيسم ويسولف روايات ودينيات .. فهذا الشيخ صفن و ركب فرسه بالليل وتنكّر (تلثم) وراح على مضيف ابن عمه حنش..سلم على الگاعدين وگعد والجماعة ياكلون (العظّامه) من خلصوا العشه هذا الشيخ على گعدته وهو متلثم .. فتكلم مله حنش كلهم خلي انسولف اليوم على الدين لان ابن عمي الشيخ كظاهه عليكم بس عشائريات ولازم احنه نعرف دينه فگام يسولف للعشيرة گاللهم (( بيوم من الايام اجه نبي الله ابراهيم وراح على نبي الله عيسى اخذه وراحوا للأمام زين العابدين بالمدينة المنورة وكاموا يتشارون بامور المؤمنين والدين اشلون هسه احنه نتشاور بامور عشيرتنه حتى نعلمهم الدين ) فهذول العظامه ضج المضيف بيهم ياالصياح مالتهم اللهم صل على محمد وال محمد تسلم يامله حنش عاش السانك على هل الروايات الدينيه فهذا الشيخ مال العشيرة ما تحمل فتح اللثام مالته وكال لابن عمه لك حنش شسويت ..اشو خبطتها شجاب نبي الله ابراهيم على النبي عيسى . !! الامام زين العابدين شجابه عليهم ووين اجتمعوا ..فرد عليه ابن عمه حنش گاله ((انت عود عبالك يعرفونها .. الله وكيلك هذول عربك كلهم لا فهم ولا علم گاعدين هنا على مود اللحم والطبيخ وواحدهم فقط يريد يشبع بطنه والكرش..فكله هذا الشيخ الف رحمه على ابوك من خلصتني من هل الدبش.مبروك وهدية مني اجتك الشيخه على هل الكدشاخذ مني هل البعورة وتشيخ على امثالك يا حنش.فطريفتنه هسه امثال ملّه حنش هواي من شيوخ فيسبوك والجكسارات والدورلات وتلكه اللي تهرول وراهم بس العظامه واللكامه اللي لافهم ولا علم لا بالدين ولا بالعشائرية ويهوسون ويمجدون بيهم حتى بس كون يشبعون بطونهم والكرش ... شوكت يتخلص العراق من ملّه حنش والدبش ولد الدبش . #أعجبتني_فنقلتها_لكم