هبه حسان صلاح

وجهه نظر دي وجهة نظر رجل عجبتنى على احد الصفحات:انا ممكن ماانضفش بيتي اسبوع او اتنين او تلاتة ... انا حر ... وممكن اصحي في يوم رايق اشغل مزيكا واضرب غطس في المية والصابون والديتول الوردي ابو ريحة تحفة واخلي البيت بيبرق .. برضه انا حر ... ممكن يجي لي مزاج اطبخ بيكيتا بالمشرم او ستيك مع بيبر صوص او ملوخية او مكرونة سي فود او صينية بطاطس في الفرن ... انا حر ... وممكن اقعد اسبوعين تلاتة اكل سندوتشات جبنة وشاي بلبن .. وسعات افتح التلاجة اضرب فيها غطس واخرج من غير اي نتيجة وانام جعان وماليش مزاج اروح اتسوق ... وهو دة النظام .. وبرضه أنا حر .... لكن بقي اللي مش قادر تكويني العقلي والنفسي يستوعبه هو أداء ستات البيت ... كل يوم لازم تنضف ورا شوية كائنات بوهيمية .. ولازم تحافظ علي مواعيد ثلاث وجبات كل يوم .. ومابينهما من سنيكرز بقي والذي منه .. ومطلوب منها انها تبقي كيريتڤ كمان في دة ... غسيل وعيال ومكوة وشوبنج وخضار وكهربا ومية وتمارين ونوادي ومذاكرة ومواعيد ادوية وعزومات .. وراجل تعبان من هموم الحياة وعاوز ينبسط ويخفف عن نفسه اخر الليل ... وهي لازم برضه تكون كيريتڤ في دة ...... الكلام دة كل يوم .. كل يوم ؟! ..... مش ممكن ... انا مش عاوز حتي أتخيل ... المرأة عبد اسود بكل معني الكلمة .... حتي العبد مش هايكون مخلص في دة كله ... مافيش حاجة تدفع حد انه يعمل كل دة بلا مقابل إلاالحب ..حتي لو اعلنت غضبها احياناً تحت الضغط او لحظات التعب .. الحب الخالص بس هو اللي يعمل كدة ....... فاذا كان حبيبك عسل ... ماتلغوصش انت بقي بصوابعك القذرة دي فيه لحد مايحمض .. خف كدة علي قد ماتقدر وخليك لطيف ........... يانهااااااار أبيض ... الحمد لله اني اتخلقت راجل ... دي حاجة فعلا صعبة جداً يااااريت فعلا الرجالة يقدّروا كده..