4 خطوات مهمة هتساعدك تحقق organic reach بسهولة #باز_يجمعنا #صناع_محتوى #صناع_المحتوى #contentmarketing
Make your goals Achievable, make it SMART 👌 #باز_يجمعنا #البازيين_الجدد #صناع_محتوى #صناع_المحتوى #صناعه_المحتوى
نسخ الرابط
إزاي قاعدة * 90 90 1 * ساعدتني أطور مهاراتي في مجال صناعة المحتوى وأطلع من ال Beginner zone⁉️واحدة من أكبر المشكلات اللي بتواجه أي فريلانسر دلوقتي إنه إزاي يطور مهاراته في مجاله علشان يكون جاهز للمنافسة في سوق ويوصل لبوزيشن أعلى.وده اللي كنت بحاول أوصل له في البداية علشان كده أول حاجة عملتها بعد ما خلصت كورس كتابة المحتوى الطبي إني دورت على شغل علطول بمجرد ما عملت بورتفوليو مبدأي فيه كام مقال زي أي فريلانسر عنده حماس البدايات وطبعا الفرص كانت محدودة جدا بالنسبة لي خاصةً إني ما عملتش حساب لينكد إن ولا اهتميت إني أعمل بيرسونال براندينج بأي حال وكل اللي شاغلني إني ألاقي شغل في المجال وبس🤷♀️ ولما لقيت الموضوع صعب شوية قولت بس أنا عرفت هعمل إيه🤔 هروح آخد كورسات كتير علشان أطور مهاراتي بسرعة ودي كانت أول غلطة لأني فتحت أكتر من كورس في حاجات مختلفة عن بعض في نفس الوقت، ولما حسيت بالتشتت والضغط وقفت وللأسف ما وصلتش للنتيجة اللي كنت أتمناها وده طبعا نتيجة الشغل العشوائي بدون أي خطة لحد ما عرفت كلمة السر 👈 SMART Goal واللي بدأت أطبقه على كل خطوة محتاجاها وساعدني أعمل up skilling في مجالي وده هو الهدف الذكي اللي لازم تحدده صح الأول علشان تعرف تحققه إزاي بناءً على خطة مظبوطة لأن مع العشوائية صعب توصل لحاجة مهما كان هدفك مهم زي ما قال وارن بافت 👇" أحمق بخطة يمكنه التفوق على عبقري بدون خطة" طيب نحدد هدف سمارت إزاي؟!🤔كلمة S. M. A.R. T دي كل حرف فيها هو اختصار لكلمة معينة لازم تكون متحققة في الهدف بتاعك تعالى ناخدها واحدة واحدة 👇S ➡️ specific ودي هنا لازم تحدد محتاج تعمل إيه بالظبط يعني مثلا لو إنت صانع محتوى وعاوز تتعلم ال Email marketing يبقى كده حددت إيه اللي عاوز تتعلمه بالظبط وخليها حاجة واحدة بس علشان ما يحصلش تشتت وتلاقي نفسك مش عارف تكمل.M ➡️ measurableقابل للقياس يعني تحدد مؤشرات أداء تعرف من خلالها اتعلمت فعلا ولا لأ؟! يعني في مثال الإيميل ماركيتينج هيكون المقياس إنت عرفت إزاي تعمل خطوات حملة تسويقية من خلال الإيميل صح ولا لأ وقادر تتعامل مع الأدوات المساعدة وتحلل النتائج فعلا ولا إيه وهكذاA ➡️ Achievableقابل للتحقيق وهنا لازم يكون متناسب مع امكانياتك وقدراتك مظبوط علشان ما يكونش تعجيزي وتحس بالإحباط إنك مش عارف تحققه.R ➡️ Relevant or Realisticذو صلة يعني مرتبط بالمجال أو الهدف اللي إنت عاوز توصله يعني إنت محتاج تتعلم الايميل ماركيتينج علشان هيفيدك في شغلك وتوصل لعملاء أكتر وتكون أكثر احترافية في مجالك.T ➡️ Time bound.محدد بوقتله إطار زمني محدد يتناسب مع قدرتك على المتابعة لتحقيق الهدف ووقتك المتاح وكمان تتعلمه صح علشان تضمن الاستمرارية والوصول للنتيحة المطلوبة، وهنا لازم تراعي إن فيه مهارات بتاخد وقت أكتر من مهارات تانية علشان تتقنها. يبقى تعالى نصيغ هدف سمارت لو عاوز تتعلم التسويق بالبريد الالكتروني هتقول👇أنا محتاج أحترف مهارة التسويق بالبريد الالكتروني خلال 90 يوم علشان أوصل لعملاء أكتر وأشتغل في شركات كبيرة.لحد هنا مهمتك لسه ما خلصتش لازم تشوف الخطوة اللي بعدها 👇وهي هتحدد إزاي هتنجز الهدف المطلوب ده في الوقت المحدد يعني إيه الأدوات اللي هتساعدك هل هتشترك في كورسات مجانية ولا مدفوعة، ولا هتبحث على اليوتيوب ولا إيه المصادر اللي هتدرس من خلالها الموضوع ده، طيب إزاي هتطبق اللي بتتعلمه وفي مدة زمنية أد إيه؟!هتقول لي طيب أنا مش فاضي وعندي شغل ومش عارف أنظم وقتي كويس علشان أبدأ أصلا أعمل إيه بقى ⁉️طبعا هتعمل الصح بصوت حزلقوم😉🤭هنا يجي دور قاعدة روبن شارما (90 90 1) واللي بتقولك إنك لمدة 90 يوم جاية هتخصص أول 90 دقيقة من يومك لهدفك اللي حددته قبل كده وفي نهاية المدة هتلاقي نفسك حققت اللي محتاجه من غير ما تحس إنك مضغوط وده كمان بينطبق على مشروعك الخاص أو أي حاجة مهمة بالنسبة لك ومش عارف تبدأ فيها.يعني أي هدف محتاج توصل له تقدر تطبق ال Roadmap دي عليها حتى وإن كانت أهداف شخصية وبكده هتقدر تطور نفسك وتدخل زون المحترفين 👌 #باز_يجمعنا #باز_بالعربي #باز_مصر
نسخ الرابط