-كان واحد؟!=لا مجموعة.-مجموعة من البشر؟!=لا، من الجن.-😰الجن كانوا بيصعدوا للسماء الدنيا عن طريق إنهم بيطلعوا فوق بعض؛ يعني كل جن بيطلع فوق التاني لحد مايعملوا صف بيوصل للسماء الدنيا، ويقعدوا يتصنتوا على الأخبار اللي بتنقلها الملائكة بينهم وبين بعض.-أخبار إيه؟!=الله تعالى يُخبر سيدنا جبريل بالوحي وباللي هيحصل من أمور غيبية، فيُخبر جبريل ملائكة السماء السابعة، فملائكة السماء السابعة تخبر السادسة والخبر ينتقل من السادسة للخامسة ومن الخامسة للرابعة لحد ما يوصل الوحي أو الخبر لملائكة السماء الدنيا، فيسمع الجن الخبر.فلما يسمعوا الخبر، بينزلوا للكاهن أو العراف ويبلغوه بيه فالكاهن ياخد الخبر ويزود عليه أخبار تانية كاذبة؛ يعني لو هيقول ١٠أمور مثلًا، فأمر واحد بس بيكون صح والتسعة التانيين بيكونوا كذب!ووقتها بيدعي الكاهن بإنه يعلم الغيب!!وفي يوم الجن طلعوا كعادتهم عشان يسترقوا السمع، فلقوا إن كل لما يقربوا من السماء تُقذف عليهم نار!فاستغربوا ورجعوا لقومهم وقالولهم:"حيل بيننا وبين خبر السماء، وأُرسلت علينا الشُهُب" فقومهم قالولهم:"ما حال بيننا وبين خبر السَّماء إلا مِن حدثٍ فاضربوا مشارق الأرض ومغاربها فانظروا ما هذا الذي حال بينَكم وبين خبر السماء"وفعلًا فضلوا يدوروا في مشارق الأرض ومغاربها عن الأمر الجديد اللي حصل واللي بسببه حصلهم كده"!وهما بيدوروا سمعوا صوت وكلام غريب أول مرة يسمعوه، فقالوا لبعض:"هذا واللَّه الَّذي حال بينكم وبين خبر السَّماء" فلما قربوا من مصدر الصوت، لقوا سيدنا النبي صلى الله عليه وسلم واقف بيصلي الفجر بأصحابه وبيقرأ القرآن ❤فلما شافوا سيدنا النبي وهو بيقرأ القرآن، ركزوا وانتبهوا وقالوا لبعض "اسكتوا لنسمع"- سؤال معلش ..حال بينهم وبين خبر السماء ازاي؟!=لما بُعث سيدنا النبي صلى الله عليه وسلم بالنبوة حُرست السماء بالشُهُب فمُنع الجن من إستراق السمع .فلما انتهى سيدنا النبي من الصلاة، رجعوا الي قبيلتهم عشان يبلغوهم بالي سمعوه ويبلغوهم بدعوة النبي صلى الله عليه وسلم.فقالوا لهم :"إِنَّا سَمِعْنَا قُرْآنًا عَجَبًا يَهْدِي إِلَى الرُّشْدِ فَآمَنَّا بِهِ وَلَنْ نُشْرِكَ بِرَبِّنَا أَحَدًا"فأراد الله عز وجل اخبار سيدنا النبي صلى الله عليه وسلم باللي حصل.فأنزل الله آيات من سورة الجن.قال تعالى :"قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا (1) يَهْدِي إِلَى الرُّشْدِ فَآمَنَّا بِهِ ۖ وَلَن نُّشْرِكَ بِرَبِّنَا أَحَدًا (2) وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا "والله أعلم✋💚علمنا الله واياكم.أسباب نزول آيات القرآنسوره الجن
نسخ الرابط
5 
0 
نسخ الرابط
يمكن لأعضاء المجتمع فقط مشاركة المنشورات 
تم إنشاؤها في 08 Apr 2024 بواسطة daeuh.m@ 
دعوة اليقين قائد المجتمع 
تم نسخ الرابط بنجاح
نسخ الرابط