Deyaa SaFwat

"يرى الأنسان نفسهُ عجوزًا حينما ينظرُ لأشخاص من نفس عمره يتراكضون في ربيع الحياة يملأهم الشغف، وهو مُنطفِئ .. مُنطفِئٌ جدًّا"- الدحيحالجُمله لـ احمد خالد توفيق🤍

عندي قناعة إن الصدمات اللي مريت بيها مش سببها الأشخاص بعينهم بالعكس سببها الرئيسي تصوّري المثالي، واعتقادي إن الناس شبهي/ إني هتقدّر / هتعامل بالمِثل.فأنا اللي زرعت بذرة الصدمة دي ولما طرحت ضـر.بت في وشي .. فَبقيت لما يحصل موقف عكس توقعاتي افتكر جملة :"لا ألوم فُلان حين يخذلني، أنا المُلام على حُسن الرجا فيه".

احيانا بيجي عليك وقت بتبقي عايز تهرب من كل حاجه... من الروتين من المسؤليات حتي تفكيرك بتبقي عايز تهرب منه.. لانك مش عارف اذا كنت ماشي صح ولا لا..؟ و يا تري تحاول تاني عشان حلمك ولا لا...؟ بس بتلاقي نفسك فجأه بتتراجع و مش عارف اذا كنت فعلا قد الاحلام دي ولا لا...! وساعتها بتقرر انك توقف كل اللي بدأته واللي كنت ناوي تعمله كمان... و تقرر تبقي انسان عادي...! وفجأه بتلاقي تفكيرك بيقولك طب و الشخصيه اللي انت حطتني فيها و مبقتش شايف نفسي غير اني ناجح و محقق الحلم ده و مش عايز غيره؟ طب تفتكر اما نكبر و نشيب مش هنندم اننا وقفنا حلمنا ل مجرد انك شايف انه اكبر من امكانياتك..! طب واللي عملناه ده هنمسحوا تاني و احنا مش عارفين اذا كان هنرجع نبدا تاني ولا لا..! و تبدأ تهرب من صراع نفسي بين شخصيه عاديه و شخصيه عندها داء النجاح و الاهداف وانت بين الاتنين لا عارف ترجع ولا عارف تكمل ولا عارف انت مين فيهم و خايف تخسر شخصيه منهم و تندم بقيت عمرك....!