GoGo GoGo

أنا بخير تُقال للغرباء.. أما الأحبة نعانقهم ونبكي ...لو تأملنا تلك المقولة لطرحنا على أنفسنا هذا السؤال: يا ترى أي كتف سنبكي عليه....!؟ البكاء هو استجابة لحالة عاطفية تمر بنا.. ألم.. غضب.. حزن.. فرح.. اشتياق... وغيره.. هي زخات من المشاعر المنهمرة.. لذا من هذا يا ترى الذي يمكننا أن نثق به،حتى نطلعه على لحظات ضعفنا؟

احنا ليه مش قادرين نفهم أن العمر لحظة ..وان محدش ضامن عمره..واللي جاي مش اد اللي راح ..هو ليه لازم نقضى ايامنا في زعل وخصام ..هو ليه كل واحد شايف أن كرامته فوق الجميع..ليه كل واحد حاسس أنه ملاك والباقي شياطين ..مفيش حد مبيغلطش ومفيش حد مبيتعصبش ومفيش حد دايما صح ..احنا بشر ولازم نخطيء ..احنا مش عايشين علشان ندور لبعض علي أخطاء وذنوب ونفضل نعاتب في بعض ونلوم ونزعل بالايام والأسابيع والشهور علي اي حاجه سواء تستاهل أو متستاهلش..من غير ما نفكر ازاي نفرح سوا وازاي نعدي بالايام الصعبة وازاي نشيل بعض ونحب بعض حتي بعيوبنا ...ليه مع كل غلطه ندور في القديم ونعيد ونذيد في الجديد ..ليه مبنفكرش لحظة أن ممكن الشخص اللي بنزعل منه ومش بنكلمه ممكن في لحظة ميكونش معانا بكره..ليه دايما مبنفكرش غير في نفسنا وكرامتنا ومشاعرنا واهتمامتنا وننسي غيرنا..اليوم اللي بيعدي عمره ما هايرجع تاني ..وهايفيد بايه الزعل والخصام والبعد والفراق ..هاناخد ايه من اللوم والعتاب طول الوقت ..احنا مش ملائكه ولا أنبياء. افتكروا أن فيه حاجه اسمها تسامح وعفو..افتكروا الحب . افتكروا اي حاجه حلوة كانت بينكم ..افتكروا كويس كنتم فين وبقيتم فين..لتعلموا ازاي تسامحوا بدل ما تزعلوا وتعاتبوا وتقاطعوا بعض..لتعلموا ازاي تحبوا بعض وان اللي بيحب عمره ما يعرف يكره ولا يغضب ولا يقسي ولا يبعد ولا ينتقم ...احنا بشر جوانا قلوب ربنا خلقها علشان تحب وتعطف وتسامح..وياريت اللي مبيعرفش يحب ولا بيعرف يسامح يدور علي عالم مفيش فيه بشر ويعيش فيه..