التأني

اكتر حاجه مع الوقت هتكتشفها و هاتضايقك حقيقتها جمله ماحدش عبيط ...مش هتزعل علي فكرة ان ماحدش عبيط، ، قد ما هتزعل علي نفسك وعلي كل كلمة و تصرف خدتها من الناس اللي حواليك بسلامة نية ، علي كلمة اترمتلك في وسط الكلام و زعلتك و اكتشفت انها ماكنتش صدفة وكانت مقصودة ، علي تصرف حد عامله معاك مافهمتوش وقتها وكنت فاكره تصرف تلقائي ورد فعل طبيعي ، و الايام كشفتلك حقيقة اللي كان وراه وليه عمل معاك كده ... اما هيبان ليك مرة في التانية اللي ورا كلام اللي حواليك و تصرفاتهم ،،، في الاول جايز تتفاجئ وتتصدم و تزعل اوي و تتعب كمان ، بس من بعدها هتكون نقطة تحول كبيرة في شخصيتك ونظرتك للأمور ، هتخليك تركز مع كل تفصيلة بتحصل حواليك و هتبطل تشوف الدنيا من منظور البراءة و ان الناس طيبه و غلبانة لمنظور للأسف ماحدش عبيط ...

حنا ليه بطلنا نلتمس لبعض الأعذار؟ وليه بقينا نتصيَّد الأخطاء ونعمل منها مشاكل وخناقات؟ ليه ما بقيناش نستحمل بعض .. نعذُر بعض .. نهدى على بعض؟ ليه كُل كلامنا بينتهي بزعل وبُعد؟ وكُل واحد عايز يطلّع التاني غلطان ووحش!ليه الصراعات دي .. وليه بنصعبها أوي كدا على نفسنا وإحنا أصلًا ما فيناش حيل لوجع القلب دا!

لو دخلت فى مشكله بين اتنين ومش عارف تحكم مين ظالم ومين مظلومهقولك تعرف ازاي؟؟هتلاقي المظلوم دايما وهو بيحكي مركز فى الوجع اللى اتوجعه الظالم دايما هتلاقيه وهو بيحكي بيركز فى عيوب الطرف التانى عشان يشوهه ويثبت اد ايه هو شخص وحشفتلاقيه يبدأ يتهم إللى قدامه باى اتهامات تيجى فى سكته ويطلع منه عيوب ترضى ضميره عشان يبرر لنفسه أن خصمه شخص وحش

ليه حد ينام زعلان من حبيبه او يسيب حبيبه نايم مقهور منهكل واحد ماتخيلش للحظه لو التاني مات هايكون شكل حياته بعده ايهاتصالحو يابشر وسامحو بعض الدنيا مش دايمه لحد الحقو الفرص قبل الندم الاعظم