الصعبه

عمرك ما هتبقى غالي إلا برصيدك ، والرصيد هنا مش فلوس ولا شوية كلام حلو متزوق لا ، الرصيد المقصود هو رصيد مواقفك الحقيقية في علاقاتك مع الناس ، كلمة حق تقولها في شخص الناس كلها جاية عليه ، تقف في ضهر حد الدنيا رخمت معاه فجأة ومش لاقي حد يقف جنبه بعد ما خد الصدمة في معظم اللي حواليه ، شخص أساء ليك وأتعرض لموقف ضعف والسكاكين كترت عليه من أقرب الناس ليه وإنت تقف جنبه من غير أي مصلحة ليك غير إنها لوجه الله فقط ، تجبر بخاطر حد قلبه اتكسر من فقد عزيز عليه وتهون عليه أيامه الصعبة ، والأمثلة كتير عمرك ما هتبقى صديق ولا أخ ولا زوج ولا زميل جدع في يوم وليله ، ده رصيد أصلك ومواقفك بس هما اللي بيثبتوا دا ، وبتسثمرهم في علاقاتك يوم بعد يوم علشان دعوه حلوه في غيابك سيرتك لما تيجي تيجي بالخير ، ببساطة لما تمشي سيرتك تبقى سبقاك ولإن سيرتك أطول من عمرك ، تذكر إن كل شئ يدفن تحت التراب إلا تاريخ الرجال …

‏تميلُ النفوس للشخص السَمح، الهيِّن، الليِّن، ذو الروح المنبسطة الطيّبة، الذي يُحوِّل الأمور الصعبة إلى يسيرة، الذي يبتعد عن العُقَد والتعقيد، ويُشعِر من حوله بأن الحياة أكثر رحابةً واتساعًا وسهولة، إذا سألتم يومًا فاسألوا الله أن يضع من أمثاله الكثير في دروبكم.