الورده

ايوا انا اللي هسرح لمراتي شعرها وانا اللي هجبلها شيكولاته في نص الليل وانا اللي هساعدها في الطبخ ولو حرقت الأكل هاكله واقولها تسلم ايدك ، ايوا انا لما تبقي حامل مش هخليها تعمل حاجه ولما تتعب اسهر جنبها طول الليل ، لو حسيت انها مخنوقه هخرجها واسعدها مش هسيبها انا اللي هعملها الفطار الصبح واروح ع السرير اصحيها ونقعد نفطر سوا وانا اللي هجبلها غزل البنات وانا اللي هخدها الملاهي واركبها المراجيح وانا اللي هدلعها زي الاب لما يدلع بنته .. عشان بنات الناس مش لعبه ومش جايين من بيت اهلهم عشان نحبسهم ف البيت البنت زي الورده لازم نحافظ عليها عشان ماتدبلش وتفضل موجوده ومحتفظه بشكلها الجميل ♥️🌹

ماتهملش حاجة و تقصر في حقها ، وترجع تدور عليها ، و تستغرب راحت منك ليه ؟ وامتي ؟ و ازاي ؟! كانت معاك وبين ايديك ، لا اديتها اللي تستاهله من حبك ، ولا من مشاعرك ولا وقتك ولا مجهودك ، لحد ما ببساطة رصيدك كله خلص منها .. اي حاجه من غير اهتمام ، مهما طال وقتها معاك ، صدقني هيجي اليوم اللي هتسيبك فيه و تمشي ..اصل الاهم من انك تخلق احساس حلو جوه حد ، او انك توصل و تحقق حاجه كان في يوم نفسك فيها ، هي انك تستمر في اهتمامك و شغفك .. ماتبطلش تسقي الوردة اللي زرعتها ، و تستغرب ماتت ليه !