تــعـبـان

✍️التخين عارف إنه تخين.الرفيع عارف إنه رفيع.الطويل عارف إنه طويل.القصير عارف إنه قصير.اللي ظروف أهله تعبانة عارف كدةاللي مناخيره كبيرة عارف إنه مناخيره كبيرة..اللي شعره خشن عارف إنه شعره خشن!!اللي ذوقه علي قده في اللبس عارف إنه علي قده..اللي صوته وحش عارف إنه صوته وحش!!كل واحد عارف كل حاجه عن نفسه ف متجيش عشان تبان جامد و دمك خفيف و روش ف تحرجه بالكلام مفيش حد وحش و محدش فينا مختار شكله ولا جسمه. قال ربنا (ولقد خلقنا الإنسان في أحسن تقويم )❤️بلاش نجرح اللـي قدامنا بـ كلام سخيف لمجرد إنك عاوز تبان جامد🤏 ممكن كلمتك تتسبب في عذاب نفسي لإخيك لفترة طويلة وتذكر دائماً إن مجرد الغمزة أو اللمزة أو الإشارة بسخرية ربنا توعد صاحبها بالويل. (ويل لكل همزة لمزة) والنبي صلى الله عليه وسلم قال لعائشة رضي الله عنها لما قالت عن صفية رضي الله عنه وأشارت بيدها بس🫣 أنها قصيرة. ( لقد قلت كلمة لو مزجت بماء البحر لمزجته ) يعني غيرت لونه وطعمه ورائحته تخيل كلمة 😲"فلتقل خيراً او تصمت" 🖤🥀

جماعه عايزه اقول ان عدم انهيارك علي شيءٍ ما في وقته وبشكل يليق بصعوبة اللحظه دا بيخليك تنهار كل يوم بشكل مصغر، لحد ما هتخلص منك كل حيل المقاومه وتفضل تعبان علي طول

بلاش كل اما تشوفوا حد تعبان وحزين تقولوا له اصلك مش راضي ، اصلك بعيد عن ربنا ..اصلك لو بس تسلم امرك لله هتبقى سعيد.. النبي صلى الله عليه وسلم كان حزين حزن شديد ، على زوجته السيدة خديجة رضي الله عنها وعلى عمه ابو طالب ، و أما فقد ابنه ابراهيمقال " إن العين لتدمع وإن القلب ليحزن وإنا على فراقك يا ابراهيم لمحزونون"ممكن يبقى في حد راضي بقضاء ربنا ومؤمن جدا ان ربنا كاتبله الخير بس يبقى تعبان ، او حزين ، او مجهد من كتر الخبطات والصدمات اللي شافها ف حياتهوحتى وهو بيعيط بيقول " يا رب " الحزن ملوش علاقة بالرضا ولا بدرجة الايمان ، ما تحملوش الناس فوق طاقتها

الواحد لما بيعرف تفاصيل حياة حد؛بيزداد يقين «لقد خلقنا الإنسان في كبد»‏كله تعبان وكله بينهج في تفاصيل الحياة ونفسه!فخلينا ما نزوّدش حِمل حد حتى لو بكلمة..يقول يحي بن معاذ الرازي: "ليكن حظ المؤمن منك ثلاثة: إن لم تنفعه فلا تضره، وإن لم تُفرحه فلا تغمَّه، وإن لم تمدَحه فلا تذمَّه".