جايه

اقولك علي حاجة حلوة ❤️ربنا بيحبك ، وهيبعتلك اللي يحبك ، وهيرزقك بالفرحة اللي نفسك فيها ، وهيجبرك ، وهيفرجها عليك برزق كبير قريب ، وهينصرك وهينجحك في حياتك وهتحس بإحساس حلو اوي عمرك م حسيته إن خلاص مش هيبقي في حزن تاني بعد كدا وإن البشاير جاية ليك في السكة ، وإنها ايام قليلة بالتمام وهتشوف أحلامك اللي بتحلمها بقالك سنين وهيعوضك ، مش هيضيع صبرك اللي صبرته وهتنول مُرادك وحجاتك هتبقي بين ايديك خلاص تولي الله أمرك وبيدبرها بالأحسن والخير ليك واللي في المصلحة ، اضحك دلوقتي وانسي اللي فات عشان وشك هينور من جديد والبهجة هتملي قلبك وهتصلي صلاة شكر قريب من كتر رحمته وكرمه عليك فكمل دُعاءك واستعد .البوست دا لكل حد زعلان ومش لاقي حد جنبه .. أنا بتأسفلك بالنيابة عن اللي خذلوك و ربنا يفرح قلبك ويراضيك 🥺❤️

انا عارفة ان الدنيا جاية علينا كلنا دلوقتي وكل واحد عنده اسبابه يكون مش كويس او حزين بسببها، وان كلنا كبرنا فجأة وبقى علينا مسؤولية فجأة، بقينا بنتعب فجأة وبنروح لدكاترة فجأة، وبنخوض ف مشاكل البيت والشغلبس انا متأكدة ان بعد ده كله اكيد في حاجة كويسة هتحصل، اكيد ربنا شايل حاجة كويسة، في فرج هيجي سواء قريب او بعيد بس هيجيزي ما ربنا خلى اي مشكلة فاتت قولت عليها انها مش هتعدي وانها اخر الدنيا، زي ما هيخلي اللي جي هيعدي وحياتك هتكمل، انا مؤمنة ان ربنا مش بيظلم حد وان للابتلاء نهاية، محدش هيعيش عمره كله ف مشاكل وحزن وخوف، ربنا بيضيقها اوي علينا وفجأة بتفرج اكتر مما كنا متوقعين .. " لَا تَخَفْ وَلَا تَحْزَنْ ۖ إِنَّا مُنَجُّوكَ"الكلام ده ليا ولصحابي ولاي حد بحبه عنده مشكلة دلوقتي، انت مش لوحدك وربنا موجود، واهلك والناس اللي بتحبك موجودين، مش هتعدي بده لوحدك ❤️