_احمدابراهيم#
المحبة اللى فيها قلة قيمة لا عمرها فرّحت قلوب ولا عمرها جبرت خواطر، والكلام الكتير اللى بلا فعل.. زيّه زي الأكل المحطوط قدام واحد مالوش نفس، مُشكلتنا إننا بنبقى شايفين وحاسين بكل شيء وبنكدّب نفسنا لمجرد إننا بنحب، مع إن الحب المفروض إنه مُرتبط بكرامتك اللى يحبك يحفظها وغير كده أنت مجرد شخص بيضحك بقلبه على عقله وفى النهاية هيوجع الاتنين ويهلك روحه... الحاجة اللى متحسهاش بشكل حقيقي بلاش منها لأنها والله ما هتنفعك. #_آحمدإبراهيم
مفيش حد كان بيحبك ممكن يبقى عدو ليك فى يوم من الأيام إلا لو كان اللى جواه ليك من الأول خالص كله حقد وغل وكراهية أو أي شعور تاني غير المحبة ، عُمري ما اقتنعت أصلّا إن القلب ممكن يشيل الكُره والحبّ فى وقت واحد ولنفس الشخص ، ممكن يكره تصرُّف منه أو تصرفاته كلها لدرجة إنه يتمنى البُعد عنه للأبد ، لكن إنه يفكّر يأذيه بأي شكل بعد ما كان بيحبه ، يبقى محبّوش أساسًا وكل الحكاية إنه شخص مُنافق قدر يمثل دور المُحب لا اكتر . #_آحمدإبراهيم
طول ما أنت عايش الدنيا هتفضل تعلمك إن مفيش حاجة "مجاناً". تزعل وتنصدم فـ تعرف قيمة نفسك واللى حواليك صح، تروح ناس وتحزن على فراقهُم فـ تيجي ناس تانيه تنسّيك وتعوّض قلبك عن كل وجع عشته، يضيق بيك الحال وتحتاج للي بيحبوك فـ تعرف إن مش كل اللى جنبك بيحبك، هيه كده الحياة كل يوم على حال وكل يوم درس أقسى من اللى قبلُه... واستفادتك الوحيدة إنك تتعلّم من اللى بيحصل وياك , مفيش حاجة هتخليك فايق لنفسك أد المواقف القاسية . #_آحمدإبراهيم
أنت أحسن من غيرك ألف مرّه، أنت حاليًا فى ستر اِتشال من على ناس كتير وعايش فى خير غيرك بيحلم بيه، أنت محدش أحسن منك، الدنيا مليانة هموم ووجع قلب وكل ده يهُون في سبيل إنك تكون مستُور وربنا ساترها عليك ما بين الناس، وفى كل الأحوال أنت غرقان فى نِعم ربنا عليك والله، بُص حواليك وشوف هتعرف إنك فى نعم لا تُعدّ وقد إيه رحمة ربنا عليك كبيرة وقد إيه عندك عيُوب متدارية بفضل وكرم ربنا، بُص عليّ رصيدهُم من " الستر " خلص هتبوس اِيديك وش وضهر كل دقيقة . #_آحمدإبراهيم
نسخ الرابط