خائنه

عارف يعني ايه " وجاءوا أباهم عِشاءً يبكون " بعد ما رموا سيدنا يوسف في البير .. روحوا لابوهم يعيطوا كلهم.. قال يعني صعبان عليهم سيدنا يوسف وإنهم صادقين في مشاعرهم، والديب فعلا أكله ؟الآية دي تعلمك درس مهم ، وهو إن مش كل اللي بيعرف يحكي يصعب عليك ، وإن مش كل اللي سريع البكاء والشكوي معاه الحق ، وإن ساعات كتير تبان الوشوش صادقة ، ولكن القلوب ماليها الكدب والتمثيل..عشان كده ربنا بيقول: "يعلم خائنة الأعين وما تُخفي الصدور" عالِم بالعيون الخاينة حتى ولو غرقانه دموع ، ومايخفاش عنه النوايا وخُبث القلوب.

متقلقش حقك جاي جاي حتى لو مفيش اي شاهد عليه غيرك..حتى لو حقك معنوي ..حتى لو حقك ده لما اتكلمت فيه مع الظالم قالك انه مجرد اوهام في دماغك وشكك في نفسك.. ربنا شاهد.."يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ"يعني ربنا عالم بالنظرة اللي اتبصتلك مش تمام واللي كان مقصود انها توصلك حاجة وحشة ويعلم بالكلمة اللي اترمت اللي كان مقصود منها تخليك تفكر وتحتار..عالم اللي في نية كل واحد ..والموضوع مش ماشي بالبركة كده ولا متساب .. يعني محدش يفتكر ان مفيش منه وانه مش سايب اي دليل وراه للمحاسبة ويبرر لنفسه الاذي النفسي لشخص آخر .