ذكريات_لاتنسى

تابع قصة صاحبتي المنتحرة الجزء الثانيقصة حقيقية من غير تحابيش #ذكريات_لاتنسى #رباب_العجماوي لما اديتني وعد اننا هنشوف بعض تاني يوم قررت اني لازم احط خطة الاسبوع اللي هيبدأ من بكرة إن الله أراد، كانت المسافة من بيتنا في الشيخ زايد لحد مدرسة جمال عبد الناصر تاخد ساعة ونص قبل ما يخلص المحور (ايوة عايشة هناك من ايام ما قبل الأسرات😂) مخصوص عشان كدة خلصت كل واجباتي كلها ونمت وانا مخططة اعمل ايه تاني يوم في الطريق الطويل اللي فيه جزء كبير صحرا وجزء عمائر وجزء حقول هفكر براحتي وراجعت نفسي اول حاجة عملتها اني رفضت الانتحار كمبدأ وأعلنت رفضي ليه وكلمتها على أنها مسلمة مع اني مش متأكدة من ديانتها واللي ما يعرفنيش كل اصحابي مش بسألهم عن ديانتهم فيه بنات اكتشفت أنهم مسلمات بعد ٣ سنين عادي لأنها من الأسئلة المحرجة بالنسبة لي وكمان عالميا المهم تاني حاجة لازم اعملها اني احط خطة اربطها بالحياة تاني وما تكونش مملة واديها حب وحنان اللي مفتقداهم ولازم افهم ليه وصلت لكدة لازم تعرف انها مش لوحدها لو ماتت منتحرة ابقى عملت اللي عليا بس دي مسئولية قلقاني لازم احارب المرض ده ( دوامة الانتحار) اللي هياخد صحبتي مني طب لو ماجتش؟! عادي هديها فرصة يوم وارجع أسأل على رقمهارحت وانا حاسة انها مش عايزة تنتحر فعلا رغم أنها ورتني اديها اللي شرطتها عشان تموت ولحسن الحظ اسعفوهالو مش عايزاني اسعفها وامنعها ما كنتش قالتلي ولو خنت ثقتها وقولت ممكن تنتحر قدام عنينا ومش هسامح نفسي ابدا هي اختارت تقولي أنا بس لانها تعتقد اني هنقذها ويارب اكون قد المسئولية واقدر أنقذها طول الوقت كنت بدعي واخيرا جت برضه تعبانة بس وشها نور لما شافت سعادتي الحقيقية لما شوفتها وقولتها تيجي تقعد جنبي ورا وأنها اهم عندي من كل الدروس اللي اصلا أنا ذاكرتها سألتها عن صحتها وكلمتها عن الاغاني اللي سمعتها في التليفزيون دوبت التلج زي ما بيقولوا كل ده عشان تخفف من توترها وصوت أنفاسها اللي الكرة الأرضية سمعاهمش عايزة كل كلامنا يبقى عن الموضوع ده بس لازم اعرف السبب عشان نحله سوا مش هينفع املي عليها الحل ولا أتفه من المشكلة اللي طبعا كنت حاسة انها ممكن تطلع متبناه زي الأفلام الأجنبية 😂سألتني: ايه يا رباب مش هتسأليني؟! أنا: عن ايه يا حبيبتي ؟! كفاية اني شوفتك يا قمر هي: عن ليه عايزة انتحر وكدةأنا: لو حابة تحكي اوك لو مش حابة اوك كفاية تخليني ابصلك وابص لعنيكي ( انا برسم وكان نفسي احفظ خطوط عينيها عشان افاجئها برسمة) اقولك بلاش النهاردة احكيلي بكرة إن شاء اللهضحكت بشحوب: هو أنا فعلا حلوة؟! أنا: طبعا كل البنات حلوين (أنا بحب البنات جدا بني جنسي بقى) وانتي ما شاء الله قمر جميلة وتتحبي هي: بجد يا رباب؟! أنا: بجد والله طب شوفي نفسك في المراية (طلعت مراية طبعا صدمة ليا مراية في المدرسة وفي شنطتها دي ممنوعات بس مش مشكلة في وحدة بتودع)هي: ده انا وشي تعبانأنا: قمر حتى ووشك تعبان ... عارفة إن الشعراء تغنوا بيكِ (ملحوظة كنت بتكلم عبارات الفصحى من الإبتدائية وبدعمها بالمصري لما الاقي اللي قدامي مش فاهم واول مرة اكتب عامية لما اتخرجت واشتغلت معيدة في التعليم المفتوح اها وكنت بلقي الشعر من رابعة ابتدائى) كتبوا عن جمال البنت وإن شعرها زي سلاسل الذهب وعينيها خضراء او زرقاء بس عارفة لون عنيكي ايه؟! هي: خضراء أنا: لا طبعا (بصت باستغراب) برتقالي وخطوط زيتي عمري ما شفت زيهم ما شاء اللههنا شوفت الحب في عينيها ليا وقولتلها: ايه رأيك نبقى أصحاب قالتلي: بس انا هنتحر أنا: وايه يعني لسة اسبوع ولا مش فاكرة ؟؟ هي : اه فاكرة بس مش عايزاكي تحزنيأنا : حتى تلاقي حد يترحم عليكي مش كدة وابتسمت وهي كمان... انتي ليه مصممة قوي؟ مش يمكن تحبيني أو تحبي الحياة طب لو أنا عزت أموت هيكون رأيك ايه؟؟هي: لا بلاش أنا بس كفايةأنا: أنا وانتي واحد .. يالا نضحك ونفرفش نفسي اسمع ضحتك هاه مش هتنازل عن الموضوع ده .. تعالي ننزل في حصة الرياضة نلعب ونقعد تحت عشان نروح ع طول هي: اخويا هيستناني هناأنا: وانا كمان معاكي.. انتي ليكي اخ؟! هي: اه اصغر مني بس لو مت هيفرح مش هيهمهأنا: حرام عليكي ليه كدةهي: هياخد سريري الكبير والاسكوتر والك