متزعليش

- انتي زعلانه مني ؟ = لا خالص هزعل ليه ؟!- عادي بسأل ..اصل حاسك زعلانه كده = ليه ؟انت عملت حاجه تزعلني ؟- لأ ماعملتش ..بس حسيت من طريقتك انك زعلانه= طالما شايف انك ماعملتش حاجة تزعلني يبقي انا مش زعلانه - شوفتي ! اهو شكلك باين اوي انك زعلانه و بتخبي = مش موضوع بخبي ولا بداري بس طالما شايف انك مزعلتنيش اعاتبك علي ايه بقي !.. انا اعاتب اللي يحس بزعلي و يعمل خاطر ليا و يعترف بغلطه مش يكابر ويعاند وشايف نفسه انه ماعملش اي حاجه.. غير كده يبقي انا بقلل من نفسي ومالوش لازمة حتي الكلام - طيب معلش ..متزعليش حقك عليا = انت فاهم غلط خالص..الفكرة مش في كلمتين معلش ومتزعليش مني عشان تمشي بيهم الدنيا والمركب تمشي وخلاص وانت مطلع الكلمتين منك ياعيني غصب عنك ومن جواك ولا حاسس ولا مقتنع بيهم اصلا ..للأسف انا اعتذارك دا بقي مش فارق معايا ..ومش رخامة مني والله بس عشان مش دا اللي انا عايزاه ولا مستنياه منك خالص ..وعلي فكرة انا اللي مايحسش بزعلي من نفسه ويكابر في الغلط ..عندي استعداد اوي و قدرة اني ماحسسهوش بوجوده حتي في حياتي من الاساس ..

جوزي جالى وقالي متزعليش منى😞... قلت له ليه أنت بتعمل حاجه تزعل !!😒... قالى أصل إمبارح لما إتخانقنا أنا وانتى لأنى كنت عاوز أتفرج علي المسلسل وانتى مش عاوزه تقلبى الفيلم😱 ... قمت فاصل النور عن الشقه كلها😯 ف إنتى إفتكرتى ان النور قطع وبعد شوية زهقتى ونمتى 😝...جيت أنا بعديها أشغل الماتش ف النور قطع بجد ومن ساعتها والتلفزيون مش راضى يشتغل😢 ...فأنا حاسس ان ده ذنبك صراحه فمتزعليش منى😢 ..... قمت أنا بقى مسكتش وقعدت أطقم فيه 😂 وأقوله شوف اللى ييجى عليا ميكسبش😁 " لو يعرف إنى مكنتش نايمه ، وإنى أنا اللى فصلت النور تانى مره ، وإنى بدلت حجر الريموت الجديد وحطيت بداله حجاره فاضيه هيولع فيا " ✋😂😂😂😂😂😁🤪

رساله لقلبك .! 📩♥️ والله قريب هتفرحي فرحة متتوصفش والدنيا هتتبسملك وربنا هيعوضك ، علشان إنتي غالية ومقامك غالي فَ ربنا مش هيضيع أملك فية وهيراضيكي ، هتفضلي طول عمرك نقية وصافية ربنا هيبعتلك اللي يجعلك مُدللتُه ونور عنية ، تأخيرك خير ولما تعرفي في الأخر ربنا عاينلِك أي من كُتر الفرحة عينك هتدمّع وتجري تصلي وتشكُرية وهتحسي وقتها إنُه بجد الصبر جميل ، والله قُريّب قلبك هيتراضىٰ ، دا ربنا اللي بيقولك "فإن مع العُسر يسراً .. إن مع العُسر يُسرا" صدق اللة العظيم ، أفرحي وعيشي كُل يوم وإنتي عايشاه منغير ما تستني حاجة وأتأكدي إن كُل حاجة هتيجي في أوانها ، ربنا حاسس بيكي وعالم ب اللي جواكي وبيختبرك على قد قُربك منُه على قد مدى رضائُه عليكي ومدىٰ نعمُة اللي لا بتنتهي ولا يجي في جمالها إلا غير منُه ، أضحكي وأبتسمي ومتزعليش طول ما إنتي تمام ، كُل اللي ربنا هيبعتهولِك خير ، قال تعالي"وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ♥️"