متصدقهاش

‏متصدقهاش، ومتصدقش الكلام الحلو كله، ولا حتي الافعال، كل اللي حواليك هيمشوا ف اول فرصه تجيلهم مع شخص تاني..

كتالوج الستات :👇👇👇• لما تلاقيها محتارة وعمالة تضرب أخماس فى أسداس فى أى موضوع وبتقترح خمسمية إقتراح فى وقت واحد ، شكرا ليك متقدمش حلول ... لو عايز تساعدها إسمعها للأخر هى بس بتفكر بصوت عال ، إديها رأيك لما تطلبه مش قبل كده .• لما تطلب رأيك فى موضوع متزعلش لو مخدتش بيه هى زيك بالظبط بتاخد قراراتها بنفسها فى النهاية ، لكن طريقتها مختلفة ، لازم تجمع اراء لحد ما توصل لقرارها ،وبلاش تاخد موقف فى المستقبل إنك متديهاش رأيك . • لما تشتكيلك من أى حاجة او اى حد فى الدنيا ، بلاش تكلمها بالمنطق ، ايد مشاعرها وحسسها إنك حاسس بيها ، وخلى المنطق بعدين • لما تطلب منك طلب او احساس محتاجه تحسه إهتم جدا بطلبها قبل ما يزيد سقف طلباتها ، لأنها لو اتكرر طلبها لأى شئ مش هيرضيها إنك حققته فى الأخر ، هتكون مستنية منك إضافات لان اللى بتديهولها فى الوقت ده بيكون فقد معناه• إذا زعلتها ( بدون إهانة ) لو حسيت إنها مش متقبلاك ، متعتذرش ولا تكلمها بالمنطق ، فقط احضنها ، ولو رفضت برده احضنها أجل الإعتذار والمناقشات بعد ما تهدى وتستوعبك • لما تلاقيها مكتئبة ومش سعيدة إعرف إن عندها مشكلة فى حياتها الاجتماعية لأن الحياة الاجتماعية أكتر حاجة بتأثر على الستات ، إنت اكتر واحد ممكن تقدر تساعدها ، غذى مشاعرها من غير ما تسال عن أسباب منطقية لحالتها .• لما تلاقيها عمالة ترغى وتحكى لو استحملتها هى هتخلص شحن بعد عشر دقايق أو جايز نووووص ساعة ، ولو إنت رفضت تسمع هتبدأ مشكلة ممكن تستمر اسبوع ،تختار ايه؟؟؟؟؟تستحمل نص ساعة ولا تتخنق أسبوع ؟؟؟• لما تكون حاسس إنها زعلانة أوفى حاجة مضايقاها وتسألها فترد وتقولك مفيش حاجة متصدقهاش صدق إحساسك ، قرب منها واحتويها وإسألها تانى ، هى محتاجه تحس باهتمامك ، لكنها بتفرق عنك إن كلامها مش مباشر زى طريقتها فى الطلب مش مباشره • لما تسألك عن رأيك فى شكلها او جسمها أو لبسها اعرف انها واحشها تسمع كلمتين حلوين ، بلاش حضرتك تفتكر فى اللحظة دى إن الأمانة تحتم ذكر الحقيقة قولها كلمتين حلوين واستمتع بصفاء الحياة • لما تكون مرهقة وإنت مصر تطلب منها طلب ، على الأقل قرب منها واحضنها وقلها إنك عارف انها فعلا تعبانة ، وبعدين اطلب اللى انت عايزه وإسألها بحنان هل طلبى متعب ليكى ؟هتندهش من النتيجة ، هتعملك عشر أضعاف اللى طلبته • لما تقولك إحنا مش بنخرج ابدا متفكرهاش إنكوا خرجتوا من أسبوعين ، هى عايزة تقولك انها مفتقداك ومحتاجة وجودك ، ومحتاجه لحظات حلوة معاك ، لكن المراة بتميل للمبالغة للفت الانتباة