ميثولوجيا_رومانيه#
#اساطير انهاردة هحكيلكم عن الجرجونة ميدوسا 🐍طبعا كلنا عارفين ان ميدوسا مسخ من المثيولوجيا الرومانية وعارفين ان شعرها عبارة عن ثعابين وان اللي بيبصلها بتحوله لحجر 💀 طب ميدوسا دي اتخلقت كده ولا كانت بشرية واتحولت للشكل ده .. ده اللي انا هحكيه دلوقتي ومحدش يكفرني ويقولي اللي بتحكيه ده كفر لان دي اساطير قصص خيالية زي قصص الاطفال ف هاف فان يجماعة 😅 مين ميدوسا دي ميدوسا بنت اله البحر فوركوس وده غير نبتونوس لان ده اله بحر انما نبتونوس اله البحار والمحيطات والانهار واي بقعة مايه ع الكوكب 🌊 المهم امها بقي تبقي الحورية كيتو 🧜 وكان عنها اختين وهما سنثيو ويوريالي وكان التلات بنات جمال جدا وده اللي خلي نبتونوس اله البحار والمحيطات عند الرومان او بوسيدون عند الاغريق يقع ف حبها وهي كمان كانت بتحبه فعملوا الهيء والميء مع بعض بس الكلام ده كان فين ف معبد اثينا او منيرفا اللي هي اصلا ربة العذاري والعذرية فتخيلوا بقي 🙆🏻♀️ 🙃طب منيرفا او اثينا تسكت لا طبعا قررت انها تنتقم من ميدوسا عملت فيها ايه حولتها لوحش مجنح وبقي عندها مخالب برونزية وخصلات شعرها اتحولت لتعابين وبقي عندها كمان انياب ضخمة ولسان طويل زي الثعبان وخلت عندها كمان القدرة انها تحول اي حد لحجر بمجرد بس النظر ليها طب ليه متنقمتش كمان من بوسيدون طب ليه ابو ميدوسا ممنعش مينيرفا اقولكم ما الالهه درجات هما كمان عندهم وسايط 🤦🏻♀️دي اول نظرية عن غضب مينرفا او اثينا النظرية التانية بتقول ان ميدوسا قالت انها اجمل من منيرفا وف بيقولوا انها قالت ان شعرها هو الاجمل وطبها اثينا غيورة كاي انثي يتقلها الكلام ده 💁🏻♀️ ما المفروض بردو مكنتش تتحدي الالهه 🤦🏻♀️ المهم اثينا تسكت ع كده كفاية اللي عملته ف البت لا طبعا تروح كمان تبعت برسيوس نصف الاله علشان يقتل ميدوسا لا دي كمان خلت الاله ميركوريوس اللي هو رسول الالهه عند الرومان وهرمس عند الاغريق يساعده علشان تتخلص من ميدوسا خالص بقي منيرفا قالت لبرسيوس ان يروح الاول للربات القدر التلاتة علشان يقولوا علي مكان ميدوسا دول التلاتة اللي ظهروا ف فيلم هيراكليز اللي ليهم عين واحدة وعلشان كمان يخليهم يتكلموا سرق منهم العين الواحدة اللي بيمتلكوها وادهالهم تاني لما جابوا ع سؤاله 😌 وقالولوا كمان ان لازم يبقي معاه خوذة بلوتو 🧢 اله العالم السفلي عند الرومان وهاديس عند الاغريق لان الخوذة دي هتخفيه عن الانظار وكمان خف او نعال مجنح 👞 بتاع ميركوريوس علشان يساعده ع الطيران لا وكمان ادوله كيس 💼 علشان يحط فيه راس ميدوسا لما يقطعها اللي هو الراجل ده كريم اوي يبابا بصوت محمد هنيدي* وكمان منيرفا ادته درع لامع علشان صورة ميدوسا تنعكس عليه علشان طبعا لو بصلها بطريقة مباشرة هيتحول لحجر وكمان ميركوريوس اداله سلاح عبارة عن منجل حاد كلهم ع البت حسبي الله 🙃🙃 وصل برسيوس بالسلامة لجزيرة كده صخرية ف ويط مجري اوكيانوس وقتل ميدوسا ودي نهاية ميدوسا الحزينة تاني الكلام اللي هقوله ده مجرد قصة خيالية محدش يقول كفر والحاد 💁🏻♀️😂😂بيقولوا بقي ان لما ميدوسا اتقلت اتخلق من دمها البيجاسوس اللي هو حصان باجنحة لا مش زيوس اللي عمله زي ماشوفتوا ف الفيلم بس كده #ميثولوجيا_رومانية
#اساطير انهاردة هحكيلم سبب أن التوت لونة احمر من وجهه نظر الميثولوجيا الرومانية القصة دي من القصص الشعبية المشهورة عند الرومان اتكتبت بقلم اوفيديوس وزي ماقولتلكم المرة اللي فاتت الكلام الي هكتبه ده مش حقيقي ده مجرد اساطير قديمة القصة دي من قصص العشق أبطالها هما بيراموس وثيسبي اتنين بيحبوا بعض جدا بس اهلهم كانوا رافضين أنهم يتجوزوا حتي منعوهم أنهم يقابلوا بعض بس من حظهما أن بيت كل واحد فيهم كان جنب التاني فكانوا بيتكلموا من خلال شق أو فتحة ف الجدار وف مرة اتفقوا أنهم يتقابلوا بليل خارج المدينة عند شجرة توت ابيض ايوة وقتها كان التوت لونه ابيض مش احمر وده اللي حصل بس ثيسبي للاسف وصلت المكان بدري قبل مايوصل حبيبها بيراموس وهي مستنياه ضوء القمر كشفلها وجود لبؤة لسة واكلة فريستها وجت علشان تشرب من نبع قريب من شجرة التوت فقررت ثيسبي انها تستخبي ف كهف قريب بس الوشاح اللي كانت لبساه وقع منها مين شفته اللبؤة راحت مقطعاه والدم اللي كان ع فكها من اكل الفريسة جه ف الوشاح فلما بيراموس وصل وشاف اثر اقدام الحيوان والوشاح الملطخ بالدم افتكر أن حيوان افترس حبيته راح قرر أنه ينهي حياته وقتل نفسه بسيفه الدم جه ع شجرة التوت اتغير لونها للون الاحمر لما ثيسبي خرجت من الكهف اتعرفت بصعوبة ع شجرة التوت علشان لونها اتغير للون الأحمر ولما راحت عندها لقت جثة حبيبها بيراموس راحت هي كمان قتلت نفسها بسيفه ومن وقتها وثمار التوت لونها احمر #ميثولوجيا_رومانية
نسخ الرابط