رضاك يا الله

بحترم اوي الاشخاص اللي بتراجع نفسها اما تحس انها غلطت في حقك او قصرت معاك و جت عليك و ماكنش ينفع تعمل معاك كده.. و تلاقيهم راجعين ليك كده بكل طيبة يصالحوك و يطيبو خاطرك و يراضوك ، مش بيكابرو زي ناس تانية بيتمادو في غلطهم و عِندهم .. ودايما هتلاقينا كلنا بنميل للاشخاص دي ، الاشخاص اللي بتّحَكم قلبها في الاخر و مابيهونش عليها زعل حد ، زي ما بنقول عليهم كده دول طيبيين ، بيطلعو اوي اوي و بينزلو علي مفيش..علشان لين القلب دا نعمة كبيرة ، مابقتش موجودة للأسف الايام دي عند ناس كتير ..

مع بداية كل عام الحمدلله دائماً وأبدًا على كل حال تفاصيل كتير بتتعاش منها سيء ومنها إيجابيممكن يكون مر عليك الأوقات الصعبة اكتر من الأوقات الحلوة،،لكن هي كده الحياة، لذتها فى صعوبتها، مطلوب منك من وقت للتاني تحزن شوية وتعاني شويتين عشان تقدر تعيش لحظات الفرح بشكل مُختلف غير كل مره، السنه دي تحديدًا لو راجعت أحداثها قدام عينك وبصّيت على غيرك من بعيد وبصّيت علي حالك "هتبصُم بالعشره🖐️🤚"إنك عايش فى نعم أقل نعمه منهم هي حلم لشخص تاني حرفياً "طول ما أنت وعائلتك بخير ومستورين أي حاجه تاني ملهاش يا لازمه

الشبعان بيخدم الكل جدعنه منه عشان متربي علي شبع لكن الجعان بيخدم اللي يأكله وبس😉👌

‏الانسان ممكن يعيش قافل على نفسه عمره كله بس اللحظة اللي بيفتح قلبه من غير مايحس ولا يحسبها ويسيب القدر يلعب معاه غالبا بيرجع مهزوم لنفسه وساعتها النفس بتعاقبه عشان مفضلش محافظ عليها ولما بتقفل عليه تاني وتتجرد منه مشاعره مبيرجعش يثق ف حد ولا حتى ف اختيارات نفسه.

المحنة اللي بتكشفلك مكانتك عند الناس ، وتجبرك تعيد ترتيب مكانة الناس في حياتك وفي قلبك ، دي مش محنة دي نعمة من عند ربنا لازم تشكره عليها☝🤍