خالد خلف

العشم في الناس خيبة، وكسرة نِفس، وهتك سترك، وإستغلال مالهومش آخر.. كإنك بتحط رقبتك بإيدك تحت رحمة البشر، ورحمة تقلباتهم، وجنانهم.. طب ليه، وعشان إيه!..فلان لما دماغه تكون رايقة يخدمك، ولو مزاجه متعكنن يبيع ويشتري فيك!.. يا سلام!.. البشر ملوك الخذلان واللي يتعلق بقشتهم غرقان.. تغور الحوجة للناس وفيه رب كريم موجود دايماً وبابه مفتوح وتدابير كل الأمور بإيده هو.. سبحانه هو الوحيد الأحق بسؤالك، توددك، ثقتك، ومحبتك.. وهو الكريم اللي لو الدنيا كلها اجتمعت عشان تمنع عنك خير هو كاتبه ليك مش هيحصل.

هتعرف أنك كبرت لما فجأة ماتقدرش تستحمل أي مشهد بيحصل قدامك فيه ريحة تمثيل.. مش هتقدر تكون وسط ناس بتنافق بعض.. ولا تطيق تروح أماكن بس عشان تثبت وجودك الاجتماعي وماتغيبشلأ بالعكس ده انت بتختار تغيب عن كل زحمة كدابة.. عن أي حوار مش صادق.. عن كل الخروجات اللي مابيكونش فيها حوار حقيقيالإنسان لما بيدوق جمال صدق الناس.. مش بيحب يضيع لحظات في تمثيل ومجاملة واثبات حضور ناس هتفتكرك معتزل وغايب.. مش هيعرفوا أبداً أنك مختار تكون حقيقي.. ورايق