السيد محمود

*حَل المشاكل هي سنّه الحياه.* مفيش حد معندوش مشاكل، ولو حياتك مافيهاش مشاكل محتاجه حلول، يبقي فيه حاجه غلط. نظرتك للمشكلة محتاجة متبقاش سلبية ، لانك كده ولا كده هتتحط في مواقف فيها مشاكل محتاجة حلول. مجرد انك تبص عليها بنظره انك بتكتسب خبرة كل مرة بتوصل فيها لحل، ده هيخليك تعيش حياتك بطريقة إيجابية اكتر و تحمد ربنا علي كل حاجة خلاك تعدي فيها. انت مش لوحدك 💪🏾

مش لازم كل حاجة انت عايزها تحصل، تحصل دلوقتي. خد وقتك و متخليش ريتم الحياه السريعه الي احنا عايشنها يخدعك و يخليك تحس انك متأخر. لسه فيه وقت و لسه فيه فرص هتيجي و لسه فيه خبرات مختلفة لسه ماشفتهاش ولا عشتها. متستعجلش.. كل حاجة حلوة بتاخد وقت و مجهود عشان تحصل.

الثقة في النفس مش معناها انك تبقي حاسس انك بتعمل كل حاجة صح او انك مش بتغلط. بس معناها انك تكون عارف ان كلنا بنغلط و انك هتغلط.. بس واثق من انك هتعترف بالغلط و هتعرف تصلح الغلط قبل ما الدنيا تطربق علي دماغك او دماغ حد تاني.

"إذا حققت النجاح سوف تكسب أصدقاء مزيفين وأعداء حقيقيين، انجح على أية حال" الشيخ الشعراوي

عادي انك تسامح حد منغير ما ترجعه تاني في حياتك. مجرد انك سامحته، ده بيشيل من علي قلبك ثقل كبير.