هيمر عليك شخص هتحبّه بشكل مش طبيعي، وحتى لو عِلاقتكو دي اِنتهت مُستحيل تنسى حُبّك ليه ومشاعرك تجاهه، مُمكن تحاول تطلّع الشخص من جواك، لكن مُستحيل تقدر تطلع من قلبك الذكريات والمواقف اللي عيشتها معاه، أحيانًا بتوحشنا الحاجات اللي عيشناها أكتر ما بيوحشنا الشخص نفسه، اللي هو إنتَ عِشت مع الشخص دا كُل حاجة لأول مرة، ودايمًا أول تجربة وأول شُعور بتعيشه بيسيبوا جوّاك أثر كبير جدًا، لا أيام ولا سنين ولا بديل ولا أي حاجة في الدُنيا دي هتقدر تنسيك أول مشاعر حُب وأول كلمة حلوة سمعتها وأول خروجة ليكو مع بعض.. في حاجات كدا ما بتفارقناش حتى لو اللي شاركونا فيها نفسهم فارقونا.
نسخ الرابط