Mahmoud Elzayat

في الأيام الصعبة دي ماتنسوش من وقت للتاني تراعوا الناس البسيطة بمساعدة حتى لو بسيطة.. القليل بالنسبالك ممكن يبقى كتير عند غيرك ويحل معاه أزمة.. المثل بيقول نواية تسند الزير.. الفلوس اللي بتطلع لله بترجع تاني ومعاها ستر، وصحة، وتوفيق، ورزق تاني ليك أوسع

مش انت بتدعي ربنا ليل نهار بالتوفيق في كل خطواتك، وإنه يكتبلك الخير، ويبعد عنك ولاد الحرام!.. طب ليه بتزعل لما بيخلّي ناس تختفي من حياتك فجأة بدون أسباب، وفرص تقف رغم إنك عامل اللي عليك، وإن فيه حاجات بتتأخر!.. على فكرة ما هي دي إستجابة للي اتمنيته.. رب الخير مش بيجيب إلا الخير

مش هتكسب قلب حد بالفرض ومش هتاخد شغل ممتاز من حد بالعافية ولا هتنول رضا اللي قدامك بالأمر ولا هتتجنب دعوات حد عليك بعد ما أذيته لمجرد إنك شايفه ضعيف أو مفيش في إيده حاجة يعملها اللي هتاخده النهاردة بالإجبار هيسيب فيك أثر دائم بالاستحقار لإنك فرضت نفسك على غيرك بشكل مبتذل مش كتير يعرفوا قيمة إن المفروض يكون عندهم كرامة ولا قيمة إن غيرهم عندهم كرامة كل المفروض مرفوض

لو حافظت علي شرب 5 لتر مياه كل يوم هتقدر تبعد عن الناس السلبية والمحبطة اللي في حياتك لأنك ببساطة هتقضى معظم اليوم فى الحمام

كان فيه واحده بتحكي انها يتيمه من وهي عندها 7 سنين ودخلت طب واتجوزت دكتور وهي عندها 24 سنه وبعد فتره من الجواز حصل مشاده عنيفه بينها وبين جوزها انتهت انه ضربها بالقلم البنت نزلت منهاره لحماها بتقول قولتله ابنك مد ايده عليا عشان مليش ضهر راح جاي مناديله وقاله انت مديت ايدك عليها قاله اه عشان...راح ابوه ضربه قلمين قبل ميكمل كلامه وقاله الراجل ال ياخد قوامته ف ضرب مراته يبقي مترباش وانا عارف اني ربيت عيالي كويس هند دي بنتي الرابعه ال يزعلها يزعلني وراح قايله اطلع شقه اخوك كان لسا متجوزش واقعد فيها لحد ما مراتك تصفالك وتنسي اللى عملتهوله وراح باصص ليها وقالها حقك عليا يبنتي شوفي ايه تاني يرضيكي واوعي تقولي انك ملكيش ضهر تاني بتقول انهرت من العياط اكتر وقعدت ابوس ايده وكنت بقوله يحاج مبقتش اناديله الا يا بابا وكانت اول مره احس ان ليا اب فعلا ومن بعدها جوزي عمره مزعلني ولا مد ايده عليا واهو حمايا مات من سنه كل يوم بقراءله ربع من القرآن وادعيله ف كل سجده وعملتله صدقه جاريه وبناته بيقولولي ليكي حق مهو كان باباكي التاني وانا فعلا مكانش عندي اب وسند غيره لاني موعتش علي بابا الله يرحمه القصه دي قادره تخيلني اصدق ان فعلا في ناس الخير متأصل فيها وان مهما كان في انتشار القصص الوحشه فاكيد فيه حلو كتيير مش باين وفيه ناس متربيه تعرف ربنا وعارفه حدودها ف التعامل مع الطرف التاني فمننساش قول النبي عليه الصلاه والسلام "الخير في امتي الي يوم الدين"❤