Mera Ahmed

إن الأرض كان يعيش عليها كائن تم تقسيمه إلى نصفين وأصبح رجل وامرأه.....ويعيش كل إنسان يبحث عن نصفه الآخر.

وقت ال break time بتاعي حبيت أعمل حاجة بحبها وجاتلي فكرة قلت أشاركها معاكوا وأتمنى تعجبكوا ❤️هتكلم عن إكتئاب الشتا وأسبابه وإزاي نعالجه_الإضطراب العاطفي *الموسمي* (SAD) Seasonal affective disordersودا الإسم اللي أطلقوه المجتمع العلمي على إكتئاب الشتاال SAD بيسبب نوم لفترات طويلة وكسل وخمول وثقلان جسدي وإنعدام في الطاقة وعدم التركيز والرغبة المستمرة في تناول الطعام وخصوصاً النشويات ودا بيسبب زيادة في الوزن. حتى لو فكرت تعمل حاجة انت بتحبها تخرجك من مود الحزن والاكتئاب اللي بيلازمك غالباً ما مش هيبقى ليه اي فايدة لأنك بتبقى فاقد للشغف.المجتمع العلمي وصل حالياً لنظريتين بتفسر سبب الاكتئاب اللي بيلازم بعض الأشخاص مع دخول فصل الشتا _ أول نظرية بتقول إن السبب هو ضعف ضوء الشمس لأن الجو بيبقى مغيم في معظم الأوقات *طب إيه علاقة الشمس بالموضوع* ؟!آشعة الشمس لما بتتنقل بين شبكية العين وتوصل للمخ بتحفز إفراز هرمون السيروتونين والهرمون دا بيحسن عمليات التنفس وبيضبط معدلات الضغط والأهم إنه مسئول عن إحساسك بالسعادة وبينظم حالتك المزاجية._تاني نظرية غياب ضوء الشمس بيعمل خلل في الساعة البيولوجية المسئولة عن تنظيم أوقات النوم في جسمك وده لأن الجسم متعود يفرز هرمون الميلاتونين في الضلمة اللي بيخليك تحس بالرغبة في النوم .أخيراً ازاي تتعامل مع ال SAD _ أول حاجة بينصحوا بيها العلماء هي إنك متحبسش نفسك فالبيت وتحاول تنزل وتعرض جسمك لضوء الشمس وتفتح شبابيك اوضتك أو مكتبك طول النهار._ تاني نصيحة وهي إنك تحافظ على نظام غذائي صحي وبالأخص إنك تركز على الغذاء الملئ بڤيتامين D لأن النوع دا من الفيتامينات بيحفز هرمون السيروتونين وكمان ممارسة الرياضة مهمة في الأوقات دي ولازم تبعد نفسك عن العزلة وتخرج دايماً وتشوف اصحابك وتحاول إنك تتكلم عن مشاعرك اللي بتضايقك لأن الكلام من أكتر الوسائل الفعالة عشان تعالج حالة ال SAD ودي طريقه علاج معروفة بإسم العلاج السلوكي المعرفي. 🥰