محمد مصطفى

في مصطلح عظيم عند الأجانب إسمه gap year معناها إن الشخص أوقات بيختار يسقّط فترة من حياته سنة أو أقل أكتر فترة ممكن جدًا ميحققش فيها أي إنجاز مادي ملموس وأحيانًا ممكن يقيمها البعض حواليه إنها مرحلة فشل ليه فترة بيختار فيها يقف مع نفسه بس يقعد متنح ومسنتح يوقف دراسة أو يسيب شغل الناس شيفاه كويس أو يخرج من علاقة غبيةيوقف جري في الحياة يوقف حفر ف الصخر يوقف قلق وتفكير في اللي جاي يوقف سعي لمستقبله أو خطوات في حياته العاطفية يقعد بس كدة ياخد نفسه ويتأمل ويشوف هوا رايح فين وعايز إيه يتأكد هوا اللي بيسعي ليه ده فعلًا هوا ده اللي عايزه ولا هوا كان مجرد طور في ساقية يشوف هوا شايف الحياة إزاي وعايز إيه من الحياة يقيم نفسه يقيم موقفه من كل حاجة يقيم علاقته بربنا وهل هوا ماشي صح ولا في حاجات مهمة إتفرمت في طريقة وهوا بيجري عشان يحقق حاجات يمكن أقل أهمية حتي لو كانت في عين الناس كبيرة ممكن الفترة دي تكون روتينية جدًا كل اللي بيتحقق منها إن الشخص ده بيقضي وقت أطول مع قطته أو بيزرع ورد و زرع في البلكونة ويسقيه ويفتح الراديو يسمع أي حاجة ويتأمل في لا شئ ..يمكن الفترة دي في نظر اللي حواليه يبقوا شايفينها كسل منه لكن الحقيقة الفترة دي ممكن تكون هيا حبل النجاة ليه من إنه يفقد عقلة ونفسيته يفقد بوصلته في الحياة أو يفقد قيمه وهوا بيجري الفترة دي بيخرج بعدها الإنسان أقوي بمليون مرة ومحدد وواضح بيرمي وراه كل اللي كان ملوش لازمة بيقدر يتخلص من كل الكراكيب في حياته من أشياء وأشخاص ومشاعر الفترة دي أحيانًا بتكون أهم فترة في حياة الإنسان فعلًا وقف لحظة .. وإظبط البوصلة ..

المُشكلة بالمكان مش بالأشخاص ..يعني مثلاً أنا كتير حدا رائع وفخم بس البقعة الجغرافية كابتتني !! _ هدفي اني هج 🤍