نسخ الرابط
محمد عتش
المعهد العالى ادارة نظم كفر الشيخ25.10.B.D✨🎁وقت وفاة جدتى تحطم كل شئالدنيا دوراه ال سابك زمان بكرة يرجع...
عايز ابنك ماينتحرش أو يلحد (معاذ الله)، وبنتك ماتتجننش وتعيش على الأدوية النفسية أو يتخرب بيتها (معاذ الله)؟✅ علمهم إن الحياة مش حلوة، الحياة مليانة مآسي ومشقة وآلام وإحباطات. دورنا إننا نكون أقوياء بما يكفي عشان نقدر نستمر فيها✅ علمهم إن الزواج مش حلم جميل بعصفورين في قفص، ده مسؤولية والتزامات ومشقة وتضحية، لو ماتحملناهاش مش حناخد الحلو اللي فيه✅ علمهم إن التعلم مشوار حياة، وأي مشوار حيمر عليك فيه حر وبرد، وزحمة وفراغ، ومتعة وملل، المهم إنك ماتقفش✅ علمهم إن الشغل مش شغف ولا تحقيق ذات ولا شغل لمجرد إنك تكون بتشتغل، الشغل ده مسؤولية لكسب الرزق ولخدمة الناس، لازم حتتعب فيه ولازم حتتبهدل سنين طويلة، ويمكن طول العمر✅ علمهم إن العلاقات الإنسانية مش على درجة واحدة، والأصل فيها إنها تفضل سطحية وخفيفة، والاستثناء إن **قليل** من العلاقات هي اللي محتاجة عمق وقوة✅ علمهم إن طول ما انت عايش حتشوف وحتعيش حزن، وغضب، وألم، وندم، وكراهية، وإحباط، وفرح، وسكينة، وراحة، ورضا، وكل ده جزء من حياتك، فمتحولش مشاعرك لمشكلة فوق المشكلة✅ علمهم إن مفيش حاجة اسمها أصبر عشان مستني العوض، بل أصبر عشان لازم أصبر، ييجي العوض مايجيش دي حاجة بتاعت ربنا وإحنا مابنشترطش على ربنا✅ علمهم إن الحياة عمرها ما حتتزن إلا على خمس معاني، الخلل في واحد فيهم الحياة حتختل معاه:🌟 معنى الحياة: مسابقة، تنتهي بالموت، وتظهر نتيجتها في الآخرة. والمسابقة عمرها ما كانت هدف في ذاتها إنما النتيجة🌟 معنى الموت: نهاية المرحلة المؤقتة، والانتقالة للمرحلة الأبدية🌟 معنى الابتلاء: اختبار من الله، يا تنجح يا تسقط، اختيارك وقرارك🌟 معنى النعمة: فضل من الله، وبرضه اختبار، أتشكر أم تكفر، برضه اختيارك وقرارك🌟 معنى العبودية: الإذعان للخالق، الرب، الملك، إنت تحت وهو -سبحانه وتعالى- فوق، هو يأمر وأنت تطيع (حتى لو زللت أحياناً)، هو اللي يحاسبك مش إنت -حاشني الله- اللي تحاسبه، تحبه تمام الحب، وتتذلل إليه تمام الذل✅ علمها إن زوجها مش حيكون عادل ولا رفيق ولا يؤدي كل حقوقها طول الوقت، لو ماتحملتيش وفضلتي قاعدة على الواحدة إنتي أول من سيجني على نفسك✅ علمه إن زوجته مش حتكون الهينة اللينة الطيعة الجميلة طول الوقت ولا حتؤدي حقوقك دايماً على أتم وجه، لو ماستحملتش وفضلت قاعد لها على الواحدة إنت أول من سيجني على نفسك✅ علمهم إن كل مشكلة في الحياة هي جزء صغير من مشكلة كبيرة، لو انشغلوا بالمشكلة الصغيرة عن المشكلة الكبيرة كل قراراتهم حتكون غلط، وكل مشاعرههم حتكون غلط، وحتى لو المشاكل الصغيرة اتحلت ممكن تكون المشكلة الكبيرة هي نهايتهم. المشكلة الكبيرة هي: مصير الآخرة، فضعوا كل مشاكلكم مع بعض جوا المشكلة دي، وشوفوا حتحلوها ازاي على أساس إنها جزء منها مش منفصلة عنها✅ علمهم إنهم يميزوا ويفهموا ويبعدوا عن طرفين: طرف الإمعة اللي ماشي ورا كل من هب ودب، وطرف المتكبر اللي مابيسمعش غير نفسه، ودايماً يدوروا على الصح والغلط داخل دائرة المشكلة الكبيرة، سواء من عندهم أو من عند غيرهم✅✅✅ أهم حاجة: علمهم إن المبادئ دي حتطرد من حياتهم متع زائفة كتير، وأشخاص كتير، وحتخليهم مختلفين عن غيرهم كتير، وحتسد آذانهم أمام مفسدين وخرابي بيوت كتير، وفي النهاية هما إن شاء الله اللي حيفلحوا والباقين حيندموا يوم لا ينفع الندمانشر الوعي بين الناس، وحارب الابتذال والنصب اللي خرب أجيال كاملةنقلا عن كوتش #مصطفى_محسن #مريميات #مريم_شاهين
نسخ الرابط