نسخ الرابط
Nor Elhouda Sahouli
I am an ambitious women who tries always to become a BETTER version if herself.
السلام عليكم 🤗اتمنى تكونوا بألف خير ❤️اليوم جيت نحكيلكم على مشروعي البسيط اللي طحت ونضت والحمدلله صار جاهز ونتمنى أنه يلقى الصدى لي يستاهله باذن الله تعالى 💙لكن أولا حبيت نخبركم أنني بعدما كنت مجهزة خطة تسويق ليه بطريقة متكاملة ولي تخليه صيته يوصل لكل انحاء الجزائر قررت أنني نوقفها بسبب الحرب على غزة والمقاطعة لكل ماهو تمويل للصهاينة، وما يخفاش عليكم أن "مارك" هو صهيوني والدفع له من أجل القيام بأي حملات تسويقية يعتبر تمويلا للجيش الصهيوني!فقررت أنني نتبع الطرق التقليدية في الترويج للمشروع ومن يتق الله يجعل له مخرجا، أنا متأكدة إنه اذا ربي راه مكتب النجاح راح ننجحوا مهما طال الزمن!الان المشروع واش هو 🤔هو عبارة عن تطبيق الكتروني للتجارة، وكنت متحمسة بزاف لاطلاقه لأنه راح يساعد بزاااااف التجار في مختلف المجالات وفيه بزاف ميزات مهمة جدا وتسهل عملية التسوق على الناس مهما كان مستوى تعاملهم مع التكنولوجيا!🔻 لأن أساس تصميمه كان أنه أبي وأمي يقدرو يتعاملوا بيه دون أي تعقيدات!🔻الميزة الثانية هي أنه يعتمد اللغة العربية فقط ماراحش تحتاج تتقن أي لغة أخرى باش تتعامل بيه.🔻الميزة الثالثة يتيح شراء منتجات من مواقع عالمية مثل "اليكسبريس", "شي ان" وغيرهم على وسطاء لي ملتحقين بالتطبيق كتجار وبالدينار مباشرة 😍راح تقدر تحط فيه دراهم وكل ما تكوموندي شيء من عند وسيط وتأكد استلامك للطلبية نرفدو الدراهم من حسابك ونبعثوهم لحساب الوسيط لي مايقدرش يخرجهم الا بعد مرور مدة معينة (انت ماتخبرناش انك تلقيت مشكل فالمنتج) باش يقدر يفك الحجز على دراهمه ❤️🔻 ميزة أخرى هي أنك تقدر تقترح علينا منتج عاجبك في اليكسبريس مثلا وتبعثلنا في استمارة فيها اسم المنتج والرابط تاعه، وحنا ننشرو هذاك المنتج في سوق التطبيق ولما الوسيط يشوفه يوفره وانت تتواصل معه باش يجيبهولك 😍🔻 التجار والوسطاء يقدرو ينظمو الطلبيات بشكل سلس وبسيط جدا ويعرفو الطلبيات المنجزة والتي فالانتظار دون اي تعقيدات وكذلك باش التاجر ما يحمقش راسه مع اختيارات الزبائن المختلفة راح يلقى كل زبون عنده طلباته منظمين بالعدد المطلوب والالوان وكل التفاصيل مباشرة وفي مكان واحد.وبلا ما ننساو أنه التاجر المحلي هو الاخر يقدر يروج لمنتجاته بطريقة عادية في التطبيق .🔻 الميزة المهمة الأخيرة هي أنك تقدر تحط تقييم لكل منتج شريته ولكل تاجر او وسيط تعاملت معه باش الناس تستفاد. من تجربتك!في الاخير وبشكل بسيط هذا هو التطبيق، أتمنى من كل قلبي أنه يلقى صدى والناس تلقاه مفيد ليها ويسهلهم عملية التسويق والتسوق بشكل اكبر.التطبيق اسميته "شهبندر" لما لهذا الاسم من معنى ولما أرجوه له من نجاح وصدى باذن الله تعالى 🤗رابط التحميل من البلاي ستور 👇https://play.google.com/store/apps/details?id=com.shahbandar.dz
متخصصة #سيو #مواقع_الكترونيه و #ووردبريس باللغات #العربية #الانجليزيه و #الفرنسيه
نسخ الرابط