بستغرب من الراجل اللي بيكسف مراته قدام الناس .. يقولها مثلاً اسكتي اسكتي .. أو بس إنتي مش فاهمة حاجة .. لما بيحصل الموقف ده في شغلي بقول للراجل لا استنى انت .. اتفضلي يا فندم عايزة تقولي ايه .. وبأيّد رأيها عِنداً فيه .. وبقولها برافو عليكييا أخي جبر الخواطر على الله .. ده انت المفروض تبقى أول واحد مؤيد ليها ولكلامها سواء بينك وبينها أو قدام الناس .. وحتى لو هي غلط متحرجهاش قدام الناس .. غيّر الموضوع وبعدين بينك وبينها قولها على فكرة أنا أعتقد ان الصح كذا افهم إن الست يعني الرفق والدلال واللّين إن ماكنتش تعاملها بذوق و رقة وحنيّةتبقى عديم الذوق والفطرة والمفهومية-استوصوا بالنساء خيراً
تم نسخ الرابط بنجاح
نسخ الرابط