شاهدت 12 فيلم حديث خلال شهر فبراير.. فيما يلي استعراض سريع للأفلام اللي شاهدتها مع لينكات لمراجعات بعض منها. ** افلام 2018:1. Aquamanالعالم اللي خلقه جيمس وان مثير للاعجاب. الاكشن في بعض الأحيان عادي لكن في المجمل جيد جدًا. حبيت اسلوب التصوير في الاشتباكات. جيسون موموا رائع وباقي فريق التمثيل لطيف جدًا لكن باتريك ويلسون ضعيف. الموسيقى مالهاش شخصية. اجمالًا، فيلم مسلي جدًا. خطوة موفقة لـDC7.5/102. Ben Is Back تاني فيلم في 2018 عن إدمان الاولاد ومعاناة الوالدين. الفيلم مقسوم لفصلين واضحين جدًا كأنهم فيلمين. كان محتاج وقت وتعمق اكبر عشان الفصلين يكونوا أكثر ترابطًا. لكن اجمالًا فيلم حلو والنهاية قوية. لوكاس هيدجز ممتاز وكذلك جوليا روبرتس، اللي قالت اكثر جملة سينمائية قاسية سمعتها مؤخرًا7.5/10 3. Destroyerأداء استثنائي رائع جدًا من نيكول كيدمان👏 أداءات جيدة من باقي الممثلين مع تألق خاص لتوبي كابيل وسباستيان ستان. كنت اتمنى تكون لهم مساحة اكبر. موسيقى جيدة. إخراج متقن. قصة مشوقة مع استخدام موفق لطريقة السرد الغير خطي. النهاية سريعة شوية لكن تقبلتها. فيلم قوي جدًا8.5 /104. Fantastic Beasts: The Crimes of Grindelwald تعدد الشخصيات والشرح الكثيف سبب في ارباك كبير في النص الأول وطول زمن الفيلم بلا داعي. مع ذلك الفيلم قابل للمشاهدة بفضل فريق التمثيل خصوصًا جوني ديب بحضوره الطاغي، الافكار المبتكرة في تصميم الوحوش والمواجهات وأخيرًا المؤثرات البصرية الرائعة بالإضافة لجودة الموسيقى،الازياء والديكور6/10 5. If Beale Street Could Talkقصة بسيطة وجميلة. للأسف السرد الغير خطي للاحداث سبب تشتيت في المتابعة. باري جينكينز قدم مشاهد جيدة لكن كرر نفس أخطائه وقدم مشاهد طويلة مش حلوة وكان محتاج يضبط الإيقاع. موسيقى حلوة. اداءات جيدة لكن مش مقتنع بفوز ريجينا كينج كأفضل ممثلة مساعدة6.5/106. Instant Family مفاجأة عام 2018 بكل تأكيد! كوميديا حلوة ومش هايفة لأن الفيلم بيتعامل مع موضوع التبني بجدية وده شئ بيرفع من قيمته جدًا. صحيح ماتعمقش قوي وكان في بعض الحاجات المباشرة بس ده مايقللش منه أبدًا علاوة على أنه قصة حقيقية. الفيلم حلو جدًا ومؤثر. عيني دمعت!8.5/10 7. The Front Runnerاداء جميل جدًا من هيو جاكمان. الفيلم جيد لكن يعيبه فقط المعالجة السطحية لموضوعه6.5/108. The Grinchرغم نمطية القصة قليلًا وعدم تقديم معالجة مختلفة للقصة إلا ان الفيلم مسلي جدًا. رسالة جيدة وكوميديا لطيفة. اداء صوتي ممتاز من بينديكت كمبرباتش. موسيقى داني إلفمان أضفت جو جميل للاحداث7.5/109. Vox Lux الفيلم بيحكي من خلال ٣ فصول ظروف استثنائية صنعت نجاح كبير لنجمة موسيقى البوب. الفصل الأول هو الأفضل وبه اداء ممتاز من رافي كاسيدي. الفصل الثاني بيبدأ كويس لكن مش عارف هو عاوز يوصل لإيه. ناتالي بورتمان كويسة. الفصل الثالث قصير وبيخلص فجأة! تنفيذ الأستعراض جيد. إجمالًا، فيلم محبط5/10** افلام 2019:1. High Flying Birdلو بتحب الافلام اللي بتدور في كواليس عالم الرياضة زي Moneyball أو Draft Day، فأعتقد ان الفيلم ده هيعجبك. الحوار والأداء التمثيلي جيد جدًا. ستيفن سودربرج اخرج الفيلم بشكل جميل وقدم عدة مشاهد جيدة. تم تصوير الفيلم ب iPhone 7 وبصراحة انبهرت بجودة التصوير والمونتاج. مشكلة الفيلم الوحيدة انه معتمد على ان اللي بيتفرج عارف معلومات عن الNBA وبالتالي مش بيشرح حاجات كتيير. ده طبعًا كان له تأثير على ارتباطي بالأحداث شوية وفهمي لبعض الأمور لكن اجمالًا الفيلم جيد.7/102. Velvet Buzzsawhttps://m.facebook.com/story.php?story_fbid=2037911752995331&id=13208525513679253. نادي الرجال السريhttps://m.facebook.com/story.php?story_fbid=2033139886805851&id=1320852551367925شكرًا للقراءة وياريت تشاركونا بأفضل فيلم حديث شاهدتموه خلال شهر فبراير وأكثر فيلم منتظرينه في شهر مارس 😊