#أيام_الفقر كانت اعراسنا 7 أيام.. وعزايم كلها مناسف بالسمن واللحم البلدي..كنا نعزم ع العرس كل أهل البلد.. كل أقارب العريس والعروس.. وأصدقائهم.. وكان الفرح من القلوب مش من الجيوب.. #أيام_الفقر كانت تلبيسة العروس أساور وخواتم من الذهب..صحيح كانت ملابسنا رخيصة، و مش من صويفية و لا براندات.. بس كرامتنا كانت غالية.. ومضافتنا مفتوحة للضيف.. وقهوتنا سخنة.. وريحتها لراس الحارة.. #أيام_الفقر كانت جيوبنا شبه فاضية.. بس عقولنا مليانة..وكان أفقر رجل بحارتنا عنده بيت ملك.. بس ما عنده تلفزيون..اليوم كل الناس عندها تلفزيونات و تلفونات.. بس أكثرها بيوتها بالايجار.. #أيام_الفقر كنا نعبي الكاز بالبراميل.. وبكل حارة في ماء سبيل.. #أيام_الفقر كنا نجيب السمنة البلدية وزيت الزيتون والدبس والجبنة البلدية بالتنكة..واليوم صرنا عايفين التنكة و مقضينها نشتري بالوقية و الحبة..كانت الرواتب قليلة.. بس الأخلاق والشهامة كبيرة..كانت العالم يفرحوا لفرح الناس.. ويزعلوا لزعل الناس..اليوم أكثر الناس عايفة حالها و مش طايقة أي شي، و على أتفه الاسباب نسمع مشكلة بالشارع،،،،هي أيام البركة.. ويا الله شو كنا أغنياء لما كنا فقراء ❤️يا الله شو حنيت و لعيشة يوم في زمان البساطة مشتاق، قولولي اني بحلم و اني لسة عايش في زمن شارع السعادة. 🥺🥺🥺🥺🥺🥺
لا توجد تعليقات حتى الآن!
كن أول من يعلق على هذا المنشور